மதுரை அண்ணாநகரில் பூட்டியிருந்த வீட்டில் நகை பணம் திருட்டு

மதுரை அண்ணாநகரில், வீட்டை உடைத்து நகை பணம் கொள்ளையடித்துச் சென்ற மர்ம நபர்களை  போலீசார் தேடி வருகின்றனர்.

அண்ணா நகர் சதாசிவ நகர் மாணிக்க வாசகர் தெருவை சேர்ந்தவர் கங்காதரன்( 55.). இவர் குடும்பத்துடன் வெளியூர் சென்றிருந்தார். பின்னர், திரும்பி வந்து பார்த்தபோது, வீட்டின் முன் கதவு உடைக்கப்பட்டிருந்தது. வீட்டில் பீரோவில் வைத்திருந்த ரூபாய் ஐம்பதாயிரம் மற்றும் எழுபத்தி ஐயாயிரம் மதிப்புள்ள தங்கம்,வெள்ளி நகைகளை மர்ம நபர்கள்  திருடிச் சென்றது தெரிய வந்தது. இந்தச் சம்பவம் குறித்து, கங்காதரன் அண்ணாநகர் போலீசில் புகார் செய்தார்.போலீஸார் வழக்குப் பதிவு செய்து, திருட்டில் ஈடுபட்ட மர்ம நபர்களை தேடி வருகின்றனர்.