'எலக்ட்ரிக் காரோடு விளையாடுங்க' மாச்பாக்ஸ் நிறுவனத்தின் புதிய முயற்சி

குழந்தைகளை எலக்ட்ரிக் கார்களுக்கு பழக்கப்படுத்தும் முயற்சியில் மாச்பாக்ஸ் நிறுவனம்

விளையாட்டு பொம்மைகள் என்பது குழந்தைகளின் பொழுது போக்கு மட்டுமல்லாமல் அவர்களின் அறிவுக் கூர்மையை வளர்க்கவும், கல்வி மற்றும் நடைமுறை வாழ்க்கையை கற்றுக் கொள்ளவும் பயன்படுகிறது. தற்போது வளர்ந்து வரும் தொழில்நுட்பம் மற்றும் நவீன யுகத்திற்கேற்ப பல்வேறு பொம்மைகள் புழக்கத்திற்கு வந்துள்ளன. இன்று குழந்தைகளுக்கான பொம்மைகள் வர்த்தகம் மிகப்பெரிய சந்தையைக் கொண்டுள்ளது. மேலும் தற்போது கொரோனா காலத்தில் இந்த வர்த்தக சந்தை மதிப்பு மேலும் அதிகரித்துள்ளது.

குழந்தைகளுக்கான பிரத்தியேக கார்களை தயாரிக்கும் நிறுவனமான மாச்பாக்ஸ், மின் சக்தியில்  இயங்கும் குழந்தைகளுக்கான கார்களை தயாரிக்க உள்ளது. இந்த நிறுவனம் டெஸ்லா, ரோட்ஸ்டர் கார் மாடலை முதலில் தயாரிக்கிறது. இதைத்தொடர்ந்து, நிஸான்,டொயோட்டா,பிஎம்டபிள்யூ நிறுவனங்களின் கார் மாடல்களை அடுத்தப்படியாக தயாரிக்க உள்ளது.

மேலும் கார்களுகளை சார்ஜ் செய்வதற்கான மின்சார நிலையத்தையும், இந்த நிறுவனம் உருவாக்க உள்ளது. இந்நிறுவனத்தின் தலைவர் நியுரியா அலன்சோ, கூறுகையில் குழந்தைகள்தான் எதிர்காலத்தில் கார் ஓட்டுநர்கள். சுற்றுச்சூழலைப் பாதுகாக்கும்  எண்ணத்தைக் குழந்தைகளிடம் ஊக்குவிக்க, இந்த முயற்சி பயன் படும் என்று நாங்கள் நம்புகிறோம்.  99 சதவீதம் சதவிகிதம் மறுசுழற்சி செய்யப்பட்ட பொருட்களால் இந்த கார்கள் தயாரிக்கப்படுகிறது.

இந்த நிறுவனம் 70 வருடங்களாகக் குழந்தைகளுக்கான கார்களை தயாரித்து வருகிறது. வருடத்திற்கு 4 கோடி கார்களை இந்த நிறுவனம் உருவாக்குகிறது என்பது குறிப்பிடத்தக்கது.