பட்டுக்கூடு உற்பத்தியில் 3ம் இடம்: ராசிபுரம் பெண்ணுக்கு முதல்வர் பரிசு

ராசிபுரம் தாலுக்கா, மூலக்காடு கிராமத்தைச் சேர்ந்தவர் கமலம், விவசாயி. இவர் தனது தோட்டத்தில் பட்டுப்புழு வளர்ப்பு செய்து வருகிறார். சமீபத்தில் சென்னையில் நடந்த விழாவில், மாநில அளவில் சிறந்த முறையில் பட்டுக்கூடு உற்பத்தி செய்த கமலத்திற்கு, தமிழக முதல்வர் ஸ்டாலின் 3ம் பரிசாக ரூ.50 ஆயிரம் மற்றும் பாராட்டு பத்ததிரம் வழங்கினார். விவசாயி கமலம், நாமக்கல் கலெக்டர் ஸ்ரேயாசிங்கிடம், முதல்வர் வழங்கிய பரிசைக் காண்பித்து வாழ்த்து பெற்றார்.

நாமக்ககல் மாவட்டஅளவில் அதிக மகசூல் பெற்ற பட்டு விவசாயிகளுக்கு, பட்டு வளர்ச்சித்துறை சார்பில் ரொக்கப்பரிசுகள் வழங்கப்பட்டு வருகின்றது. இந்த ஆண்டு, சிறந்த பட்டு விவசாயிகளாக தேர்வு செய்யப்பட்ட, ராசிபுரம் தாலுகா, மூலக்காடு கிராமத்தை சேர்ந்த விவசாயி கமலத்துக்கு, முதல் பரிசு ரூ. 25 ஆயிரம், சேந்தமங்கலம் தாலுக்கா, மேலப்பட்டி கிராமத்தை சேர்ந்த விவசாயி கோபிக்கு 2ம் பரிசு ரூ.20 ஆயிரம், நஞ்சுண்டபுரம் கிராமத்தை சேர்ந்த விவசாயி கந்தசாமிக்கு, 3ம் பரிசு ரூ. 15 ஆயிரம் வழங்கப்பட்டது. இதற்கான காசோலைகளை, கலெக்டர் ஸ்ரேயா சிங் வழங்கினார். பட்டு வளர்ச்சித்துறை உதவி இயக்குனர் முத்துப்பாண்டி மற்றும் அரசுத்துறை அலுவலர்கள் நிகழ்ச்சியில் கலந்து கொண்டனர்.