பிலிப்பைன் நாட்டின் விமானப்படை விமானம் விபத்துக்குள்ளாகி 17 பேர் பலி ?

85 வீரர்களுடன் பிலிப்பைன் நாட்டின் விமானப்படை விமானம் தெற்கு தீவான ஜோலோவில் இன்று விபத்துக்குள்ளானதாக ராணுவ அதிகாரிகள் தெரிவித்தனர். குறைந்தது 17 பேர் கொல்லப்பட்டிருக்கலாம் என்றும் அது மேலும் அதிகமான எண்ணிக்கையாக உயரலாம் என்று அச்சம் தெரிவிக்கப்பட்டுள்ளது.

விமானப்படை விமானம் தரையிறங்க முயன்றபோது ஓடுபாதையை தவறவிட்டதாக பிலிப்பைன்ஸ் ஆயுதப்படைகளின் தலைவர் ஜெனரல் சிரிலிட்டோ சோபெஜானா தெரிவித்துள்ளார். அபு சயாஃப் என்று அழைக்கப்படும் இஸ்லாமிய போராளிக்குழுவின் கோட்டையான பாட்டிகுல் நகரில் பாங்கல் என்ற கிராமத்திற்கு அருகே இந்த விமானம் விபத்துக்குள்ளானதாக அவர் கூறினார்.

இந்த விபத்தில் 40 பேர் மீட்கப்பட்டுள்ளதாகவும் அவர் கூறியுள்ளார். அதில் சிலரது நிலை கவலைக்கிடமாக இருப்பதாகவும் கூறப்படுகிறது.