கோபியில் போலி நகை கொடுத்து ஏமாற்றிய தம்பதி கைது..!

ஈரோடு மாவட்டம் கோபிசெட்டிபாளையம் அருகே அரசூரை சேர்ந்தவர் தவமணி (46). சத்தி சாலையில் துணி கடை நடத்தி வருகிறார். மாக்கிணாங் கோம்பையை சேர்ந்தவர் பிருந்தா (29) என்பவர் தவமணிக்கு அறிமுகமாகியுள்ளார். பிருந்தா தனது குடும்ப செலவுக்காக அடிக்கடி தவமணியிடம் பணம் வாங்கி உள்ளார். இந்த வகையில் ரூ. 15 லட்சம் வரை பெற்றுள்ளார்.

நகைகள் வைத்திருக்குமாறு வற்புறுத்தல்

அதே சமயம் பணத்தை திருப்பி கொடுக்கும் வரை 53 பவுன் நகைகளை வைத்திருக்குமாறு தவமணியிடம் கொடுத்துள்ளார். இந்நிலையில் பணத்தேவை இருந்ததால் அவர் கொடுத்த நகையுடன் தவமணி சென்று பணத்தை திருப்பி கேட்டார். அதற்கு பிருந்தா நகைகளை வங்கியில் அடமானம் வைத்து பணத்தை பெற்றுக் கொள்ளுமாறு கூறியுள்ளார்.

போலி நகைகள் அம்பலம்

இதை அடுத்து தவமணி கடத்தூரில் உள்ள ஒரு வங்கியில் நகைகளை அடமானம் வைத்த போது அவை அனைத்தும் போலி என்பது தெரிய வந்தது. இதுகுறித்து தவமணி கேட்டதற்கு பணத்தை திருப்பி தந்து விடுவதாக கூறிய பிருந்தா காலம் தாழ்த்தி வந்துள்ளார்.

கொலை மிரட்டல்

இந்நிலையில் பணத்தை கேட்ட தவமணிக்கு பிருந்தாவும் அவரது கணவரும் கொலை மிரட்டல் விடுத்துள்ளனர். இதனை அடுத்து தவமணி இது குறித்து கடத்தூர் போலீஸ் நிலையத்தில் புகார் அளித்தார்.

வழக்குப் பதிவு மற்றும் கைது

அதன் பேரில் போலீசார் வழக்கு பதிவு செய்து பிருந்தா மற்றும் அவரது கணவரை கைது செய்தனர்.

துணி கடை உரிமையாளர் - தவமணி (46)

மோசடி செய்தவர் - பிருந்தா (29)

பெற்ற தொகை - ரூ. 15 லட்சம்

கொடுக்கப்பட்ட நகைகள் - 53 பவுன் (போலி)

புகார் அளித்த இடம் - கடத்தூர் போலீஸ் நிலையம்

நடவடிக்கை - வழக்குப் பதிவு & கைது