அமிர்தி உயிரியல் பூங்காவில் சுற்றுலா பயணிகள் திருப்பி அனுப்பப்பட்டனர்
அமிர்தி உயிரியல் பூங்காவை பார்வையிட வந்த சுற்றுலா பயணிகளை வனத்துறை அதிகாரிகள் திருப்பி அனுப்பினர்
கொரோனா ஊரடங்கில் தளர்வு அளிக்கப்பட்டதாக கருதி அமிர்தி உயிரியல் பூங்காவை பார்வையிட வந்த சுற்றுலா பயணிகளை வனத்துறை அதிகாரிகள் திருப்பி அனுப்பினர் . தமிழகத்தில் கொரோனா 2 வது அலை தொற்று வேகமாக பரவியது . இதனால் முழு ஊரடங்கு மற்றும் கடுமையான கட்டுப்பாடுகள் விதிக்கப்பட்டது. மேலும் சுற்றுலா தலங்கள், கோயில்கள், பொழுதுபோக்கு பூங்காக்கள் மூடப்பட்டது .
அதேபோல் வேலூர் அருகே உள்ள அமிர்தி சிறு மிருக வன உயிரியல் பூங்காவில் புள்ளிமான் , கடைமான் , முதலை , நரி , முள்ளம்பன்றி, மயில். கிளிகள், கழுகு மற்றும் நீர்ப்பறவைகள் பராமரிக்கப்பட்டு வருகின்றன. கொரோனா ஊரடங்கு காரணமாக அமிர்தி பூங்காவை பொதுமக்கள் பார்வையிட தடை விதிக்கப்பட்டுள்ளது. அங்கு பாதுகாப்புப் பணியில் ஈடுபடுபவர்கள் நோய் தடுப்பு விதிகளை கடைபிடிக்க அறிவுறுத்தப் பட்டுள்ளனர்.
Next Story
