விழிப்புணர்வுக்காக வாக்குபதிவு இயந்திரங்கள் அனுப்பி வைப்பு

வேலூரில் பொதுமக்களின் விழிப்புணர்வுக்காகவும், தேர்தல் பணியாளர்களின் பயிற்சிக்காகவும் தலா 10 வாக்குப்பதிவு இயந்திரங்கள் அனுப்பி வைக்கப்பட்டது.

தமிழக சட்டமன்ற தேர்தல் வரும் ஏப்ரல் 6 ம் தேதி நடைபெற உள்ள நிலையில் அதற்கான பணிகள் விரைவாக நடைபெற்று வருகிறது. இந்நிலையில் சத்துவாச்சாரியில் உள்ள வேலூர் மாவட்ட ஆட்சியர் அலுவலகத்தில் வாக்குப்பதிவு இயந்திரம் வைப்பறையிலிருந்து தேர்தல் பணிகளில் ஈடுபடும் பணியாளர்களின் பயிற்சிக்காகவும், பொதுமக்களின் விழிப்புணர்வுக்காகவும் வேலூர் மாவட்டத்தில் உள்ள மொத்தம் 5 சட்டமன்ற தொகுதிகளுக்கும் தலா பத்து வாக்குப்பதிவு இயந்திரங்களை அங்கீகரிக்கப்பட்ட அரசியல் கட்சி பிரமுகர்கள் முன்னிலையில் மாவட்ட தேர்தல் நடத்தும் அலுவலரும் மாவட்ட ஆட்சியருமான சண்முகசுந்தரம் தேர்தல் நடத்தும் அலுவலர்களுக்கு வழங்கினார்.