வேலூர் மாநகராட்சியில் சுயேச்சை உறுப்பினர்கள் திமுகவுக்கு ஆதரவு

வேலூர் மாநகராட்சியில் தேர்தலில் 44 வார்டுகளில் திமுக வெற்றி பெற்றது. அந்த கூட்டணியில் இடம்பெற்ற விசிக ஒரு வார்டில் வெற்றி பெற்றுள்ளது.

இந்த நிலையில் சுயேச்சையாக நின்று வெற்றி பெற்ற கவுன்சிலர்கள் 3 பேர் தி.மு.க.வுக்கு ஆதரவு தெரிவித்துள்ளனர்.

6-வது வார்டில் சுயேட்சையாக நின்று வெற்றி பெற்ற சீனிவாசன் திமுகவில் இணைந்தார். 19-வது வார்டு சுயேச்சை உறுப்பினர் மாலதி மற்றும் 48-வது வார்டு சுயேச்சை உறுப்பினர் கோகிலா ஆகியோர் திமுகவுக்கு ஆதரவு தெரிவித்துள்ளனர். இதன்மூலம் வேலூர் மாநகராட்சியில் திமுகவின் பலம் 48 ஆக உயர்ந்துள்ளது.