7 வயது சிறுவன் மீது டிப்பர் லாரி மோதிய விபத்தில் சாதுரியமாக உயிர் பிழைத்த சிறுவன் : வாழ்த்து தெரிவித்த வேலூர்மாவட்ட காவல் கண்காணிப்பாளர்

வேலூர் மாவட்டம் குடியாத்தம், பிச்சனூர் பேட்டை பகுதியை சேர்ந்த ஆனந்தன் என்பவரது மகன் நரேஷ்குமார் 1ம் வகுப்பு படித்து வருகிறார். இவர் கடந்த 7 ம் தேதி சாலையை கடக்க முயன்ற பொழுது எதிரே வந்த மினி டிப்பர் லாரி மோதியதில் அதிர்ஷ்டவசமாக உயிர் பிழைத்தான்.

அந்த விபத்தின் சிசிடிவி காட்சிகள் வெளியாகி பரபரப்பை ஏற்படுத்தியது. இதனிடையே இன்று அந்த சிறுவனை நேரில் சந்தித்த வேலூர் மாவட்ட காவல் கண்காணிப்பாளர் செல்வகுமார் மாணவனுக்கு பூங்கொத்து மற்றும் இனிப்புகள் கொடுத்து பாராட்டி வாழ்த்துக்களையும் தெரிவித்தார்.

முன்னதாக மாவட்ட காவல் கண்காணிப்பாளர் செல்வகுமாரை விபத்திலிருந்து உயிர் பிழைத்த சிறுவன் நரேஷ் குமார் பழரசம் கொடுத்து வரவேற்றான்.