மார்ச் 18ம் தேதி தமிழக பட்ஜெட் தாக்கல்: சபாநாயகர் அப்பாவு அறிவிப்பு
தமிழக பட்ஜெட், மார்ச் 18ம் தேதி தாக்கல் செய்யப்படும் என்று, சபாநாயகர் அப்பாவு அறிவித்துள்ளார்.
HIGHLIGHTS
இது குறித்து, இன்று சென்னையில் செய்தியாளர்களிடம் பேசிய சபாநாயகர் அப்பாவு, நடப்பு 2022-23 ஆம் ஆண்டுக்கான தமிழக நிதிநிலை அறிக்கை, மார்ச் 18 ஆம் தேதி காலை 10, மணிக்கு தாக்கல் செய்யப்படும். அதற்கு அடுத்த நாள், மார்ச் 19ம் தேதி, வேளாண் பட்ஜெட் தாக்கல் செய்யப்படும் என்றார்.
நடப்பு 2022-23 ஆம் ஆண்டுக்கான பட்ஜெட், காகிதமில்லாததாக இருக்கும். இதனை, நிதியமைச்சர் பழனிவேல் தியாகராஜன் தாக்கல் செய்கிறார். சென்னை தலைமை செயலகத்தில் உள்ள பேரவை அரங்கில் பட்ஜெட் கூட்டத்தொடர் நடைபெறும் என்று, சபாநாயகர் அப்பாவு மேலும் தெரிவித்தார்.
பட்ஜெட் உரை நேரலை செய்யப்படும்; கொரோனா விதிகளை பின்பற்றி கூட்டத் தொடர் நடைபெறும். பட்ஜெட் கூட்டத்தொடரை எத்தனை நாட்கள் நடத்துவது என்பது பற்றி மார்ச் 18 ஆம் தேதி நடைபெறும் அலுவல் ஆய்வு கூட்டத்தில் முடிவு செய்யப்படும் என்று, சபாநாயகர் அப்பாவு மேலும் கூறினார்.
