10, 12ஆம் பொதுத் தேர்வு முடிவுகள் இன்று வெளியீடு

தமிழகத்தில் 10, 11, 12ஆம் வகுப்பு மாணவர்களுக்கு பொதுத் தேர்வுகள் கடந்த மாதம் நடத்தப்பட்டு, 10, 12-ம் வகுப்பு பொதுத்தேர்வு விடைத்தாள் திருத்தும் பணி கடந்த 1 ஆம் தேதி முதல் தொடங்கியது.

இதை தொடர்ந்து 10ம் வகுப்பு விடைத்தாள் திருத்தும் பணிகள் முடிவடைந்து இறுதி முடிவுகள் தயார் நிலையில் உள்ளதாக அறிவிக்கப்பட்டது. இதனால் பத்தாம் வகுப்பு பொதுத் தேர்வு முடிவுகள் 16ஆம் தேதி திட்டமிட்டபடி வெளியிடப்படும் என்று தேர்வுத்துறை தரப்பில் தெரிவிக்கப்பட்டிருந்தது.

ஆனால் திடீரென தேர்வு முடிவுகள் வெளியாகும் தேதி மாற்றப்பட்டது. அந்த வகையில் 10ம் வகுப்பு பொதுத்தேர்வு முடிவுகள் இன்று வெளியாகிறது.

12ஆம் வகுப்பு பொதுத்தேர்வு முடிவு காலை 9.30 மணிக்கு வெளியாகிறது. 10ம் வகுப்பு பொதுத்தேர்வு முடிவுகள் நண்பகல் 12 மணிக்கு வெளியாகும்.

பள்ளிக் கல்வித்துறை அமைச்சர் அன்பில் மகேஷ் தேர்வு முடிவுகளை வெளியிடுகிறார்.

தேர்வு முடிவுகளை http://tnresults.nic.in/

http://dge1.tn.nic.in

http://dge.tn.gov.in ஆகிய இணையதள பக்கங்களில் அறிந்துக் கொள்ளலாம்.