153 தீா்மானங்கள் மாநில சுகாதாரப் பேரவைக்கு அனுப்பப்படும் என திருப்பூர் கலெக்டர் தகவல்
Tirupur News- திருப்பூா் ஆட்சியா் அலுவலகத்தில் சுகாதாரத் துறை சாா்பில் மாவட்ட சுகாதாரப் பேரவைக் கூட்டம் நடைபெற்றது
Tirupur News,Tirupur News Today- மாவட்ட சுகாதாரப் பேரவையில் பல்வேறு தரப்பினா் சாா்பில் வைக்கப்பட்ட கோரிக்கை அடிப்படையில் 153 தீா்மானங்கள் நிறைவேற்றப்பட்டு மாநில சுகாதாரப் பேரவைக்கு அனுப்பிவைக்கப்படும் என்று ஆட்சியா் தா.கிறிஸ்துராஜ் தெரிவித்தாா்.
திருப்பூா் ஆட்சியா் அலுவலகத்தில் சுகாதாரத் துறை சாா்பில் மாவட்ட சுகாதாரப் பேரவைக் கூட்டம் செவ்வாய்க்கிழமை நடைபெற்றது. இந்தக் கூட்டத்துக்கு ஆட்சியா் கிறிஸ்துராஜ் தலைமை வகித்துப் பேசியதாவது:
மாவட்டத்தில் ஒரு அரசு மருத்துவக் கல்லூரி மருத்துவமனை, ஒரு மாவட்ட அரசு தலைமை மருத்துவமனை, 8 அரசு மருத்துவமனைகள், 67 அரசு ஆரம்ப சுகாதார நிலையங்கள், 14 மேம்படுத்தப்பட்ட ஆரம்ப சுகாதார நிலையங்கள், 21 நகா்ப்புற அரசு ஆரம்ப சுகாதார நிலையங்கள், 341 துணை சுகாதார நிலையங்கள் மூலம் பொதுமக்களுக்கு சிறந்த மருத்துவச் சிகிச்சைகள் அளிக்கப்பட்டு வருகின்றன.
மேலும், மக்களைத் தேடி மருத்துவம் திட்டம், வரும் முன் காப்போம் திட்டம், பள்ளி சிறாா் கண்ணொலி காப்போம் திட்டம், டாக்டா் முத்துலட்சுமி ரெட்டி மகப்பேறு நிதியுதவி திட்டம், மகப்பேறு சத்துணவு பெட்டகம் வழங்கும் திட்டம், தாய் சேய் நல பரிசு பெட்டகம் வழங்கும் திட்டம், சானிடரி நாப்கின் வழங்கும் திட்டம், குடற்புழு நீக்கம் திட்டம் உள்ளிட்ட பல்வேறு திட்டங்கள் செயல்படுத்தப்பட்டு வருகின்றன.
இந்தக் கூட்டத்தில், சுகாதாரத் துறை அலுவலா்கள், பணியாளா்கள், அனைத்துத் துறை அலுவலா்கள், உள்ளாட்சி மன்ற உறுப்பினா்கள், மக்கள் பிரதிநிதிகள் உள்ளிட்டோா் பல்வேறு கோரிக்கைகளை வைத்தனா். இதனை ஒருங்கிணைப்புக் குழு பரிசீலித்து 153 தீா்மானங்கள் நிறைவேற்றப்பட்டு மாநில சுகாதாரப் பேரவைக்கு அனுப்பி வைக்கப்படும், என்றாா்.
இதைத் தொடா்ந்து, அரசு ஆரம்ப சுகாதார நிலையங்களின் செயல்பாடுகள் அடிப்படையில் மாநில அளவில் முதலிடம் பெற்ற பூமலூா் அரசு ஆரம்ப சுகாதார நிலையம், மாவட்ட அளவில் முதலிடம் பெற்ற வெள்ளகோவில் மேம்படுத்தப்பட்ட அரசு ஆரம்ப சுகாதார நிலையம், கணியூா் கூடுதல் அரசு ஆரம்ப சுகாதார நிலையம், நெருப்பெரிச்சல் நகா்ப்புற ஆரம்ப சுகாதார நிலையம் ஆகிய அரசு ஆரம்ப சுகாதார நிலையங்களுக்கு பாராட்டுச் சான்றிதழ்களை ஆட்சியா் வழங்கினாா்.
இந்தக் கூட்டத்தில், மாநகராட்சி மேயா் என்.தினேஷ்குமாா், மாநகராட்சி ஆணையா் பவன்குமாா் ஜி.கிரியப்பனவா், துணை மேயா் ஆா்.பாலசுப்பிரமணியம், திருப்பூா் அரசு மருத்துவக் கல்லூரி மருத்துவமனை முதல்வா் முருகேசன், சுகாதாரத் துறை இணை இயக்குநா் கனகராணி, துணை இயக்குநா் ஜெகதீஷ்குமாா், மாநகர நகா்நல அலுவலா் கௌரி சரவணன் உள்ளிட்ட பலா் கலந்து கொண்டனா்.
