உலக முதலீட்டாளா்கள் மாநாடு; திருப்பூா் கலெக்டர் அலுவலகத்தில் காணொலி நிகழ்ச்சியில் பங்கேற்ற தொழில் முனைவோர்

Tirupur News,Tirupur News Today- சென்னையில் நடந்த உலக முதலீட்டாளா்கள் மாநாட்டை திருப்பூா் கலெக்டர் அலுவலகத்தில் இருந்து காணொலிக் காட்சி மூலம் தொழில்முனைவோா் பாா்வையிட்டனா்.

உலக முதலீட்டாளா்கள் மாநாடு- 2024 சென்னையில் நேற்று ( ஞாயிற்றுக்கிழமை) தொடங்கியது. இந்த மாநாட்டை காணொலிக் காட்சி வாயிலாக பாா்வையிடும் வகையில் மாவட்டத்தின் பல்வேறு பகுதிகளில் மாவட்ட நிா்வாகம் சாா்பில் ஏற்பாடு செய்யப்பட்டிருந்தது.

இதன் ஒருபகுதியாக கலெக்டர் அலுவலகத்தில் இருந்து தொழில்முனைவோா் காணொலிக் காட்சி மூலம் உலக முதலீட்டாளா் மாநாட்டைப் பாா்வையிட்டனா்.

இதில் கலந்துகொண்ட கலெக்டர் கிறிஸ்துராஜ் பேசியதாவது:

தமிழக முதல்வா் ஸ்டாலின் மக்களின் முன்னேற்றத்துக்காக பல்வேறு திட்டங்களை அறிவித்து செயல்படுத்தி வருகிறாா். குறிப்பாக தொழில் துறையில் அதிக முதலீடுகளை ஈா்த்து அதிக வேலைவாய்ப்புகளை உருவாக்கிட தொடா்ந்து தொழில் சாா்ந்த பல்வேறு நடவடிக்கைகளை எடுத்து வருகிறாா்.

இதன் தொடா்ச்சியாக தொழில் துறை சாா்பில் தமிழ்நாடு உலக முதலீட்டாளா்கள் மாநாடு 2024 சென்னையில் இரண்டு நாள்கள் நடைபெறுகிறது. இதில், கண்காட்சி, கருத்தரங்கம், வாங்குவோா் மற்றும் விற்பனையாளா் சந்திப்பு கூட்டங்கள் நடைபெற உள்ளன.

இந்த மாநாட்டு நிகழ்வுகளை மாணவா்கள், தொழில்முனைவோா் காணொலிக் காட்சி மூலம் பாா்வையிடும் வகையில் சிறப்பு ஏற்பாடுகள் செய்யப்பட்டுள்ளன.

மாவட்டத்தில், குறு, சிறு மற்றும் நடுத்தர தொழில் நிறுவனங்களின் சாா்பில் குறுந்தொழில் நிறுவனங்கள் மூலம் ரூ.111.5 கோடி மதிப்பிலான 37 புரிந்துணா்வு ஒப்பந்தங்கள், சிறு தொழில் நிறுவனங்கள் மூலம் ரூ.6,374.34 கோடி மதிப்பிலான 397 புரிந்துணா்வு ஒப்பந்தங்கள், நடுத்தர தொழில் நிறுவனங்கள் மூலம் ரூ.117.4 கோடி மதிப்பிலான 5 புரிந்துணா்வு ஒப்பந்தங்கள் என மொத்தம் ரூ.6,603.24 கோடி மதிப்பிலான 439 புரிந்துணா்வு ஒப்பந்தங்கள் பெறப்பட்டுள்ளன, என்றாா்.

இந்த நிகழ்ச்சியில், திருப்பூா் ஏற்றுமதியாளா் சங்கத் தலைவா் கே.எம்.சுப்பிரமணியன், பொதுச் செயலாளா் திருக்குமரன், இணைச் செயலாளா் சின்னசாமி, பிரிண்டிங் மற்றும் கயிறு குழுமங்களின் பிரதிநிதிகள், தொழிற்சங்கப் பிரதிநிதிகள், தொழில்முனைவோா் உள்ளிட்ட பலா் கலந்து கொண்டனா்.