பின்னலாடை உற்பத்தி கட்டமைப்பை மேம்படுத்தத் தயாராக இருக்க அறிவுறுத்தல்

Tirupur News,Tirupur News Today- புதிய ஆா்டா்களை வரவேற்கும் வகையில் பின்னலாடை உற்பத்தி கட்டமைப்பை மேம்படுத்தத் தயாராக இருக்க வேண்டும் என்று திருப்பூா் ஏற்றுமதியாளா்கள் சங்க நிறுவனரும், கௌரவத் தலைவருமான ஏ.சக்திவேல் தெரிவித்தாா்.

திருப்பூா் ஏற்றுமதியாளா்கள் சங்க அலுவலகத்தில் கிழக்கு, மேற்கு மற்றும் தெற்கு மண்டல உறுப்பினா்களின் கூட்டம் செவ்வாய்க்கிழமை நடைபெற்றது. கூட்டத்துக்கு திருப்பூா் ஏற்றுமதியாளா்கள் சங்க நிறுவனரும், கெளரவத் தலைவருமான ஏ.சக்திவேல் தலைமை வகித்து பேசியதாவது:

பிரிட்டன் மற்றும் ஐரோப்பாவுடனான வரியில்லா வா்த்தக ஒப்பந்தம் கையெழுத்தாக உள்ளதாலும், புதிய ஆா்டா்கள் வரவுள்ளதாலும் அதை எதிா்கொண்டு செய்வதற்கு நமது பின்னலாடை உற்பத்தி கட்டமைப்பை மேம்படுத்தத் தயாராக இருக்க வேண்டும், என்றாா்.

தொடா்ந்து சங்கத் தலைவா் கே.எம்.சுப்பிரமணியன் பேசியதாவது:

உறுப்பினா்களின் நன்மைக்காக சங்கத்தின் தற்போதைய நிா்வாகக் குழு டியூட்டி டிராபேக் விகிதம் அதிகரிப்பு, ஜிஎஸ்டி பிரச்னைக்குத் தீா்வு, திருப்பூா் கிளஸ்டரை நிலையான கிளஸ்டராக அறிவிக்க தமிழக அரசை வலியுறுத்தல், செயற்கை நூலிழை ஆடைகள் தயாரிப்புக்கான வழிகாட்டுதல்கள் உள்ளிட்ட பல்வேறு விஷயங்களில் தீவிர கவனம் செலுத்தி வருகிறது என்றாா்.

கூட்டத்தில் பொதுச் செயலாளா் என்.திருக்குமரன், துணைத் தலைவா்கள் ராஜ்குமாா் ராமசாமி, இளங்கோவன், பொருளாளா் ஆா்.கோபாலகிருஷ்ணன், இணைச் செயலாளா் குமாா் துரைசாமி, துணைக்குழு தலைவா் ஆா்.கே. இளங்கோவன், பொருளாளா் ஆா்.கோபாலகிருஷ்ணன், இணைச் செயலாளா் குமாா் துரைசாமி, துணைக்குழு தலைவா் ஆா்.கே.சிவசுப்பிரமணியம் ஆகியோா் பங்கேற்றனா்.