திருப்பூா் தெற்கு பகுதியில் ரூ.20.55 கோடி மதிப்பில் அடுக்குமாடி குடியிருப்பு; கலெக்டர் ஆய்வு

Tirupur news, Tirupur news today- திருப்பூர் தெற்கு ரூ.20.55 கோடி மதிப்பீட்டில் கட்டப்பட்டு வரும் அடுக்குமாடி குடியிருப்பை ஆட்சியா் தா.கிறிஸ்துராஜ் சனிக்கிழமை ஆய்வு செய்தாா்.

திருப்பூா் தெற்கு வட்டத்தில் தமிழ்நாடு நகா்ப்புற வாழ்விட மேம்பாட்டு வாரியம் சாா்பில் ரூ.20.55 கோடி மதிப்பீட்டில் கட்டப்பட்டு வரும் அடுக்குமாடி குடியிருப்பை ஆட்சியா் தா.கிறிஸ்துராஜ் சனிக்கிழமை ஆய்வு செய்தாா்.

திருப்பூா் தெற்கு வட்டம் பெருந்தொழுவு ஊராட்சியில் தமிழ்நாடு நகா்ப்புற வாழ்விட மேம்பாட்டு வாரியம் சாா்பில் ரூ.20.55 கோடி மதிப்பீட்டில் அடுக்குமாடி குடியிருப்புகள் கட்டப்பட்டு வருகின்றன. இந்தப் பணிகளை மாவட்ட ஆட்சியா் தா.கிறிஸ்துராஜ் ஆய்வு செய்தாா்.

அப்போது அவா் கூறியதாவது:

தமிழ்நாடு நகா்ப்புற வாழ்விட மேம்பாட்டு வாரியம் பல்வேறு திட்டங்களின் வாயிலாக வீட்டு வசதி, குடிசைப் பகுதி மேம்பாடு, மறுவாழ்வு மற்றும் மறுகுடியமா்வு போன்ற பல்வேறு திட்டங்களை குடிசைப் பகுதிவாழ் மக்களின் வாழ்க்கை தரத்தை மேம்படுத்த செயல்படுத்தி வருகிறது. இதன் ஒரு பகுதியாக திருப்பூா் தெற்கு வட்டம் பெருந்தொழுவு கிராமத்தில் காமராஜ் நகரில் பிரதமரின் ‘அனைவருக்கும் வீடு’ திட்டத்தின்கீழ் அனைத்து அடிப்படை வசதிகளுடன் தரைத்தளம் மற்றும் 3 தளங்களுடன்கூடிய 192 அடுக்குமாடி குடியிருப்புகள் ரூ.20.55 கோடி மதிப்பீட்டில் கட்டப்பட்டு வருகின்றன.

இந்தப் பணிகள் அனைத்தும் டிசம்பா் 31-ஆம் தேதிக்குள் முடிக்கப்பட்டு திருப்பூா் மாவட்டத்தைச் சோ்ந்த வீடற்ற ஏழைகளுக்கு மாவட்ட நிா்வாகம் மற்றும் வாரிய ஒப்புதல் பெறப்பட்ட பின்னா் ஒதுக்கீடு செய்யப்பட உள்ளது என்றாா்.

இதைத் தொடா்ந்து, குண்டடம் நெடுஞ்சாலையில் தமிழ்நாடு குடிநீா் வடிகால் வாரியம் மற்றும் நெடுஞ்சாலைத் துறை பணிகள் குறித்தும், தாராபுரம் வட்டம், பெரியகுமாரபாளையம் எரக்காம்பட்டி ஆகிய இடங்களில் பூமிதான நிலங்களில் வீட்டுமனை பட்டா வழங்குவது குறித்தும் ஆய்வு மேற்கொண்டாா்.

ஆய்வின்போது, தாராபுரம் வருவாய் கோட்டாட்சியா் செந்தில் அரசன், நெடுஞ்சாலைத் துறை கோட்டப் பொறியளாா் ராணி, உதவி செயற்பொறியாளா் (தமிழ்நாடு நகா்ப்புற வாழ்விட மேம்பாட்டு வாரியம்) அன்பழகன், உதவி பொறியாளா் சா்மிளா, தாராபுரம் வட்டாட்சியா் கேவிந்தராஜ், திருப்பூா் தெற்கு வட்டாட்சியா் தேவராஜ், குண்டடம் வட்டார வளா்ச்சி அலுவலா் சுரேஷ் உள்ளிட்ட பலா் கலந்து கொண்டனா்.