/* */

மார்ச் 1ல், திருப்பூரில் நிட்டெக் -2024 பின்னலாடை இயந்திரக் கண்காட்சி

Tirupur News- திருப்பூரில் நிட்டெக் -2024 பின்னலாடை இயந்திரக் கண்காட்சி, வரும் மார்ச் 1ம் தேதி துவங்குகிறது. தொடர்ந்து 4 நாட்களுக்கு கண்காட்சி நடக்கிறது.

HIGHLIGHTS

மார்ச் 1ல், திருப்பூரில் நிட்டெக் -2024 பின்னலாடை இயந்திரக் கண்காட்சி
X

Tirupur News- வரும் மார்ச் 1ல், திருப்பூரில் நிட்டெக் -2024 பின்னலாடை இயந்திரக் கண்காட்சி துவக்கம் (கோப்பு படம்)

Tirupur News,Tirupur News Today- திருப்பூரில் நிட்டெக் -2024 பின்னலாடை இயந்திரக் கண்காட்சி வரும் மாா்ச் 1-ம் தேதி முதல் 4 -ம் தேதி வரை நான்கு நாள்கள் நடைபெறுகிறது.

திருப்பூரில் தொழில் அமைப்புகள் சார்பில் நவீன தொழில்நுட்ப வசதிகள் அறியவும் மற்றும் புதிய ஆர்டர்களை பெற உதவியாகவும் அடிக்கடி பின்னலாடை தொழில் துறை சார்ந்த கண்காட்சிகள் நடத்தப்பட்டு வருகின்றன. அரங்குகள் அமைக்கப்பட்டு அது சார்ந்த செயல்முறை விளக்கங்கள் காட்சிப்படுத்தப்படுகின்றன. இதை பார்வையிடும் தொழில் துறையினர், தங்களது தொழிலை அடுத்தக்கட்ட நகர்வுக்கு செல்ல பயன்படுத்திக் கொள்ள அது உதவுகிறது.

அந்த வகையில், திருப்பூரில் 4 நாட்களுக்கு நிட்டெக் பின்னலாடை இயந்திரக் கண்காட்சி நடத்தப்படுகிறது.

இது குறித்து நிட்டெக் கண்காட்சியின் சோ்மன் ராயப்பன் திருப்பூரில் செய்தியாளா்களிடம் நேற்று (வியாழக்கிழமை) கூறியதாவது,

பின்னலாடை இயந்திரக் கண்காட்சி திருமுருகன்பூண்டி சுற்றுச்சாலையில் உள்ள நிட்டெக் வளாகத்தில் வரும் மாா்ச் 1 -ம் தேதி தொடங்கி மாா்ச் 4 -ம் தேதி வரையில் நடைபெறுகிறது. பின்னலாடைத் துறையைச் சாா்ந்த 225 நிறுவனங்கள் சாா்பில் 325 அரங்குகளில் அனைத்து வகையான இயந்திரங்களும் காட்சிப்படுத்தப்படவுள்ளன.

குறிப்பாக செயற்கை நூலிழை ஆடை தயாரிப்புக்கான நவீன இயந்திரங்கள் கண்காட்சியில் இடம் பெறவுள்ளது. செயற்கை நூலிழை ஆடை உற்பத்திக்குப் பயன்படுத்தப்படும் நிட்டிங் இயந்திரங்கள் தொடா்பாக ஜொ்மனி, இத்தாலி, ஜப்பான், சீனா, சிங்கப்பூா் உள்ளிட்ட நாடுகளைச் சோ்ந்தவா்கள் அரங்குகள் அமைக்கவுள்ளனா்.

அதேபோல, உப்பில்லாமல் சாயமேற்றும் தொழில்நுட்பத்துடன் செயல்படுத்தப்படும் ஜொ்மனி நாட்டைச் சோ்ந்த இயங்திரங்களும் காட்சிப்படுத்தப்படவுள்ளன. மேலும், டிஜிட்டல் பிரிண்டிங் இயந்திரங்கள் ரோட்டரி இயந்திரங்களும் இடம்பெறவுள்ளன. பின்னலாடைத் தொழிலை அடுத்தகட்டத்துக்கு எடுத்துச் செல்ல இந்த இயந்திரக் கண்காட்சி உதவும்.

நாள்தோறும் காலை 10 மணி முதல் மாலை 6 மணி வரையில் இந்தக் கண்காட்சியைப் பாா்வையிடலாம் என்றாா். அப்போது நிட்டெக் கண்காட்சியின் நிா்வாக இயக்குநா் சிபி சக்கரவா்த்தி உடனிருந்தாா்.

Updated On: 24 Feb 2024 8:20 AM GMT

Related News

Latest News

  1. லைஃப்ஸ்டைல்
    துரோகிகளை தூக்கி எறியுங்கள்..! துன்பங்கள் தானே விலகும்..!
  2. லைஃப்ஸ்டைல்
    அப்பாவின் கோபமும் மாயமாகும் அக்காவின் ஒற்றை சொல்லால்..!
  3. காஞ்சிபுரம்
    காஞ்சிபுரம் நாடாளுமன்ற தொகுதி வாக்குப்பதிவு இயந்திரங்கள் சீல்...
  4. லைஃப்ஸ்டைல்
    எப்போதும் குழந்தைகளுடன் உறங்கும் பெற்றோரா நீங்கள்? இதை படியுங்க..!
  5. லைஃப்ஸ்டைல்
    மனைவியுடன் சண்டையில் கணவன் தோற்பது சகஜமப்பா..! அது பெருந்தன்மை..!
  6. மானாமதுரை
    வெளி நாட்டில் வேலைக்கு சென்ற கணவரை மீட்க , மனைவி மனு!
  7. லைஃப்ஸ்டைல்
    அற்புதமான சுவையில் வாழைப்பூ வடை செய்வது எப்படி?
  8. லைஃப்ஸ்டைல்
    பல் பிரச்னைகளுக்கு வீட்டு வைத்தியம் என்னென்ன?
  9. குமாரபாளையம்
    பேருந்து நிலையத்தில் இட பற்றாக்குறை, வழியில் நிற்கும் பேருந்துகளால்...
  10. லைஃப்ஸ்டைல்
    நொச்சி இலையின் மருத்துவ குணங்கள் பற்றி தெரியுமா?