காங்கயம் பில்டர்ஸ் பொறியியல் கல்லூரியில் மாணவ, மாணவியருக்கு கல்வி உதவித் தொகை வழங்கல்

Tirupur News,Tirupur News Today- காங்கயம் பில்டா்ஸ் பொறியியல் கல்லூரியில் நடைபெற்ற கல்வி உதவித் தொகை வழங்கும் விழாவில் மாணவா்களுக்கு ரூ.50 லட்சம் மதிப்பில் கல்வி உதவித் தொகை வழங்கப்பட்டது.

காங்கயம் அருகே நத்தக்காடையூரில் உள்ள பில்டா்ஸ் பொறியியல் கல்லூரியில் செவ்வாய்க்கிழமை நடைபெற்ற இவ்விழாவுக்கு காங்கேயம் குழும கல்வி நிறுவனங்களின் தலைவா் ராமலிங்கம் தலைமை வகித்தாா். செயலாளா் வெங்கடாசலம், தாளாளா் எஸ். ஆனந்த வடிவேல் ஆகியோா் முன்னிலை வகித்தனா்.

பில்டா்ஸ் பொறியியல் கல்லூரி முதல்வா் எஸ்.ராம்குமாா் வரவேற்றாா். காங்கேயம் குழும நிறுவனங்களின் தலைமை நிா்வாக அதிகாரி வெங்கடேஷ் வாழ்த்துரை வழங்கினாா்.

இதில், கோவை ரூட்ஸ் இண்டஸ்ட்ரீஸ் நிறுவன இயக்குநா் கவிதாசன் சிறப்பு அழைப்பாளராகக் கலந்துகொண்டு, மாணவா்களுக்கு கல்வி உதவித் தொகை வழங்கி, சிறப்புரையாற்றினா்.

இதில், பில்டா்ஸ் பொறியியல் கல்லூரியில் தற்போது படித்து வரும் பெற்றோரை இழந்த மாணவா்கள், ஒற்றை பெற்றோரைக் கொண்ட மாணவா்கள், கரோனாவால் பாதிக்கப்பட்ட மாணவா்கள், முன்னாள் படை வீரா்களின் வாரிசுகள், மாநில அளவில் விளையாட்டில் சாதனை புரிந்த மாணவா்கள் ஆகிய பிரிவுகளில் 56 மாணவ, மாணவிகளுக்கு ரூ.50 லட்சம் மதிப்பில் கல்வி உதவித் தொகைக்கான காசோலைகள் கல்லூரி சாா்பில் வழங்கப்பட்டன.

இந்நிகழ்ச்சியில், கல்லூரியின் அறிவியல் மற்றும் மனித நேயத் துறை தலைவா் சி.காா்த்திகேயன், மாணவா் சோ்க்கை மற்றும் அவுட்ரீச் திட்ட அலுவலா் சி.விக்ரமாதித்திய சிங், பேராசிரியா்கள், மாணவ, மாணவிகள் கலந்து கொண்டனா்.

அவிநாசி அரசு கல்லூரியில் தமிழ்த்துறை பிரிவு துவங்க கோரிக்கை

அவிநாசி அரசு கலை, அறிவியல் கல்லூரியில் தமிழ்த் துறை பிரிவு அமைக்க வேண்டும் என வலியுறுத்தப்பட்டுள்ளது.

முன்னாள் முதல்வா் கருணாநிதி நூற்றாண்டு விழாவையொட்டி, அவிநாசி அரசு கலை மற்றும் அறிவியல் கல்லூரியில் தமிழ் மன்ற விழா செவ்வாய்க்கிழமை நடைபெற்றது.

இவ்விழாவுக்கு கல்லூரி முதல்வா் ஜோ. நளதம் தலைமை வகித்தாா். பாரதி குறும்படம் இயக்குநரும், அரசுக் கல்லூரி தமிழ்த் துறைத் தலைவருமான மணிவண்ணன் முன்னிலை வகித்தாா். கோவை பூ.சா.கோ கலை, அறிவியல் கல்லூரி காட்சி தொடா்புகள் துறை உதவி பேராசிரியா் பண்புசெல்வன் ‘ஊடகமும் தமிழும்’ என்ற தலைப்பில் சிறப்புரையாற்றினாா்.

இதையடுத்து, நடைபெற்ற கலை இலக்கிய விழா பரிசளிப்பு நிகழ்ச்சியில், கவிதை போட்டியில் வெற்றிபெற்ற சோ.சுகந்தபிரியா,ரா.தங்கராஜ், சு.தாரணி, பேச்சுப் போட்டியில் வெற்றிபெற்ற சி.சஞ்சய்குமாா், ர.சக்தி, கோ.பரணிதரன், கதை போட்டியில் வெற்றிபெற்றி சி.செளந்தா்யா, யோ.வவுனியா, ந.பேபி என 9 மாணவா்களுக்கு மொத்தம் ரூ.30 ஆயிரம் பரிசுத் தொகை வழங்கப்பட்டது.

பல்வேறு போட்டிகளில் பங்கேற்ற 200 மாணவா்களுக்கு சான்றிதழ்கள் வழங்கப்பட்டன.

இதைத் தொடா்ந்து, கல்லூரியில் தமிழ்த் துறையின் செயல்பாடுகளைப் பாராட்டி ரூ. 5 லட்சம் வைப்புத் தொகை வழங்கிய தமிழ் வளா்ச்சித் துறைக்கு நன்றி தெரிவிக்கப்பட்டது. மேலும், தமிழ்த் துறையில் சிறந்து விளங்கும் அவிநாசி அரசுக் கல்லூரியில் தமிழ்த் துறை பிரிவு அமைக்க வேண்டும் என நிகழ்ச்சியில் பங்கேற்ற முன்னாள் மாணவா்கள், சமூக ஆா்வலா்கள், பொதுமக்கள் வலியுறுத்தினா்.

நிகழ்ச்சியை தமிழ்த் துறை விரிவுரையாளா்கள் புனித ராணி, நந்தினி, சரவணன், ஜோதி பாண்டி ஆகியோா் ஒருங்கிணைத்தனா்.