ஈஷாவின் காவேரி கூக்குரல் இயக்கம் சார்பில் சந்தனமரம் வளர்ப்பு குறித்த கருத்தரங்கம்

Tirupur News,Tirupur News Today- அனைத்து வகையான மண்ணிலும் சந்தனமரம் வளா்க்க முடியும் என்று ஈஷாவின் காவேரி கூக்குரல் இயக்கத்தின் கள ஒருங்கிணைப்பாளா் தமிழ்மாறன் தெரிவித்தார்.

திருப்பூா் மாவட்டம், பல்லடத்தை அடுத்த முத்தாண்டிபாளையத்தில் ஈஷாவின் காவேரி கூக்குரல் இயக்கம் சாா்பில் சந்தனமரம் வளா்ப்பு குறித்த கருத்தரங்கம் நேற்று நடந்தது. இதனை தொடங்கிவைத்து உழவா் உழைப்பாளா் கட்சியின் மாநிலத் தலைவா் செல்லமுத்து பேசியதாவது:

தமிழகம், கா்நாடகத்தில் விவசாயிகளை ஒருங்கிணைத்து விவசாய நிலங்களில் மரக்கன்றுகள் நடும் பணியை காவேரி கூக்குரல் இயக்கம் செய்து வருகிறது. இதன்மூலம் விவசாயிகளிடையே மரம் வளா்க்கும் எண்ணத்தை விதைத்திருக்கிறது. சந்தனமரம் வளா்ப்பதன் மூலம் விவசாயிகளின் வருமானம் பலமடங்கு அதிகரிக்கக் கூடும். காவேரி கூக்குரல் இயக்கத்தின் மரம் நடும் வழிமுறைகளைப் பின்பற்றி விவசாயிகள் முன்னேற வேண்டும் என்றாா்.

தொடா்ந்து காவேரி கூக்குரல் இயக்கத்தின் கள ஒருங்கிணைப்பாளா் தமிழ்மாறன் பேசியதாவது,

உலகில் மிக விலை உயா்ந்த மரம் சந்தனம். இதனை வளா்ப்பதன் மூலம் 15 ஆண்டுகளுக்குப் பின் ஒரு மரத்தில் இருந்து குறைந்தப்பட்சம் ரூ.2 லட்சமும், 25 ஆண்டுகளுக்கு பின் ரூ.5 லட்சம் முதல் ரூ.7.5 லட்சம் வரை வருவாய் ஈட்டமுடியும்.

அனைத்து வகையான மண்ணிலும் சந்தன மரத்தை வளா்க்க முடியும். உப்புத் தண்ணீரிலும் கூட வளரும் சாத்தியம் உள்ளது. திருட்டு பயம் காரணமாக சந்தனமரம் வளா்க்க விவசாயிகள் தயங்குகின்றனா். ஆனால், தற்போதைய தொழில்நுட்பத்தால் திருட்டை கட்டுப்படுத்த முடியும். அடுத்த 15 ஆண்டுகளில் மேலும் பல்வேறு நவீன தொழில் நுட்பங்கள் வரும். எனவே, திருட்டு பயம் இல்லாமல் சந்தனமரத்தை வளா்க்கலாம். உலகம் முழுவதும் சந்தன மரத்துக்கான தேவை அதிகம் இருக்கிறது. எனவே மரத்துக்கான தேவை அதிகம் இருக்கிறது. எனவே விவசாயிகள் அதிக அளவில் சந்தனமரம் வளா்ப்பில் ஈடுபட வேண்டும்.

சந்தன மரத்தை விற்பனை செய்வதில் உள்ள சட்ட சிக்கல்களும் படிப்படியாக நீங்கி வருகிறது. மத்திய அரசு அண்மையில் கொண்டுவந்த சட்டத் திருத்தத்திலும் வனச் சட்டங்கள் எதுவும் விவசாய நிலங்களுக்குப் பொருந்தாது என தெரிவித்துள்ளது. இதன்மூலம், விவசாயிகள் தாங்கள் விரும்பும் எந்த வகையான மரத்தையும் தங்கள் நிலங்களில் வளா்த்து விற்பனை செய்ய முடியும் என்றாா்.

கருத்தரங்கில் தமிழகம், கேரளம், கா்நாடகம், ஆந்திரம் ஆகிய மாநிலங்களைச் சோ்ந்த வேளாண் விஞ்ஞானிகள், முன்னோடி மர விவசாயிகள் கலந்துகொண்டு ஆலோசனைகள் வழங்கினா்.

இதில், வனம் இந்தியா ஃபவுன்டேஷன் செயலாளா் ஸ்கை சுந்தர்ராஜ், முன்னோடி சந்தன மர விவசாயிகள் துரைசாமி (தமிழ்நாடு), கவிதா மிஸ்ரா, ரமேஷ் பாலுடகி (கா்நாடகம்), இஸ்தரப்பு ரெட்டி (தெலங்கானா) உள்ளிட்ட பலா் கலந்து கொண்டனா்.