காரில் கடத்திய 409 மது பாட்டில்கள் பறிமுதல்

தாராபுரம் மது விலக்கு இன்ஸ்பெக்டர் விநாயகம் தலைமையிலான போலீஸார் குமாரலிங்கம் பகுதியில் சோதனை செய்தனர். அவ்வழியாக வந்த காரை நிறுத்தி சோதனை செய்தபோது, காரில் 409மது பாட்டில்கள் இருந்தது. இதையடுத்து மதுபாட்டில்களை பறிமுதல் செய்து, காரில் இருந்தவரிடம் விசாரித்தனர். விசாரணையில், மது பாட்டில்கள் கடத்தி வந்தவர் மடத்துக்குளம் பகுதியில் டாஸ்மாக் கடையில் விற்பனையாளராக வேலை பார்க்கும் செந்தில்,40என்பது தெரிய வந்தது. அவர் மீது போலீஸார் வழக்குப்பதிவு செய்து விசாரிக்கின்றனர்.