அன்னுார் பேரூராட்சி தலைவர் தேர்வு

அவினாசி சட்டசபை தொகுதிக்கு உட்பட்ட, அன்னுார் பேரூராட்சி தலைவர் தேர்தல் கடந்த 4ம் தேதி நடந்த போது தகராறு ஏற்பட்டு, ஓட்டுச்சீட்டுக்கள் கிழிக்கப்பட்டன. இதையடுத்து தேர்தல் ஒத்திவைக்கப்பட்டு, நேற்று நடத்தப்பட்டது. நேற்று காலை நடந்த தலைவர் தேர்தலில், தி.மு.க., உறுப்பினரும், நகர பொறுப்பாளருமான பரமேஸ்வரன், போட்டியின்றி தேர்ந்தெடுக்கப்பட்டார். கடந்த முறை நடந்தது போல் தகராறு நடைபெறாமல் இருக்க, பலத்த போலீஸ் பாதுகாப்பு போடப்பட்டிருந்தது.