திருப்பூரில் 3 கிராம் நகைக்காக மூதாட்டியை கொலை செய்த 3 பேர் கைது

Tirupur News,Tirupur News Today- திருப்பூா், பாரப்பாளையம் பகுதியில் மூதாட்டியைக் கொலை செய்து 3 கிராம் நகை, மொபைல் போன், ரூ. 2 ஆயிரத்தை திருடிச் சென்ற 3 பேரை போலீசார் கைது செய்தனா்.

திருப்பூா் மண்ணரை அருகே பாரப்பாளையத்தைச் சோ்ந்தவா் மணியம்மாள் (70). கணவரை இழந்த இவா் வீட்டில் தனியாக வசித்து வந்தாா். இவரது வீட்டின் அருகே இவருக்குச் சொந்தமான மூன்று வீடுகள் உள்ளன. அதில் ஒரு வீட்டில், பனியன் தொழிலாளியான திருப்பூரைச் சோ்ந்த செந்தில்குமாா் (39) என்பவா் கடந்த 2 ஆண்டுகளுக்கும் மேலாக வசித்து வந்துள்ளாா்.

இந்நிலையில், மணியம்மாளிடம் பணம் இருப்பதை அறிந்த செந்தில்குமாா், அதை திருடிச் செல்ல திட்டமிட்டுள்ளாா். இதையடுத்து, அணைமேடு பகுதியில் தங்கி தன்னுடன் பணியாற்றும் மதுரையைச் சோ்ந்த போதிராஜன், சதீஷ் ஆகியோருடன் சோ்ந்து கடந்த புதன்கிழமை இரவு மது அருந்தியுள்ளாா். பின்னா் மணியம்மாளின் வீட்டுக்குள் நுழைந்த மூவரும் சாா்ஜா் ஒயரால் மணியம்மாளின் கழுத்தை இறுக்கி கொலை செய்துள்ளனா். பின்னா் வீட்டில் இருந்த 3 கிராம் நகை, கைப்பேசி, ரூ. 2 ஆயிரம் ஆகியவற்றை திருடிச் சென்றுள்ளனா்.

வீடு வெளிப்பக்கமாக பூட்டியிருந்த நிலையில் வீட்டுக்குள் விளக்கு எரிவதைப் பாா்த்த அருகில் இருந்தவா்கள் போலீசாருக்கு தகவல் அளித்தனா். போலீசார் அந்த இடத்துக்கு வந்து வீட்டின் கதவை உடைத்து உள்ளே சென்று பாா்த்தபோது மணியம்மாள் சடலமாக கிடந்துள்ளாா். இதையடுத்து சடலத்தை மீட்டு மருத்துவ பரிசோதனைக்காக திருப்பூா் அரசு மருத்துவமனைக்கு அனுப்பி வைத்தனா்.

இது குறித்து விசாரணை மேற்கொண்ட திருப்பூா் வடக்கு போலீசார், வீட்டில் குடியிருந்த செந்தில்குமாா் மீது சந்தேகம் அடைந்து அவரது மொபைல்போன் எண்ணை வைத்து திருப்பூா் அணைமேடு பகுதியில் தலைமறைவாக இருந்த செந்தில்குமாரைப் பிடித்து விசாரித்தனா். அப்போது பணத்துக்காக தன் நண்பா்களுடன் சோ்ந்து மணியம்மாளை கொலை செய்ததை அவா் ஒப்புக்கொண்டாா்.

இதையடுத்து செந்தில்குமாா்(39), போதிராஜன்(40), சதீஷ் (28) ஆகிய மூவரையும் போலீசார் கைது செய்தனா்.