நகர்ப்புற உள்ளாட்சித் தேர்தல்: நெல்லை மாவட்ட அதிமுக ஆலோசனை கூட்டம்

நகர்ப்புற உள்ளாட்சித் தேர்தல் ஆலோசனைக் கூட்டம் நெல்லை மாவட்ட அதிமுக செயலாளர் தச்சை என்,கணேசராஜா தலைமையில் நடைபெற்றது. நெல்லை வண்ணாரப்பேட்டை லெட்சுமி காயத்ரி மஹாலில் மாநகராட்சி தேர்தல் குறித்தும், நாரணம்மாள்புரம், சங்கர் நகர் பேரூராட்சி தேர்தல் குறித்தும் ஆலோசனைக் கூட்டம் நடந்தது.

கூட்டத்திற்கு தலைமை வகித்த மாவட்ட செயலாளர் தச்சை என் கணேசராஜா தேர்தலில் அதிமுக வெற்றி பெறுவது குறித்து விளக்கிப் பேசினார் . கூட்டத்தில் அமைப்பு செயலாளர்கள், சுதாபரமசிவன், ஏ.கே.சீனிவாசன், மாநில ஜெ.பேரவை துணைச் செயலாளர் ஜெகநாதன், முன்னாள் எம்எல்ஏ ஆர்.பி.ஆதித்தன், அவைத்தலைவர் பரணி சங்கரலிங்கம், மாவட்ட சிறுபான்மை பிரிவு செயலாளர் மக்பூப்ஜான், பகுதிச் செயலாளர்கள் மோகன், தச்சை மாதவன், காந்தி வெங்கடாசலம், வழக்கறிஞர் ஜெனி, திருத்து சின்னத்துரை, அமைப்பு சாரா ஓட்டுனர் அணி செயலாளர் சிவந்திமகாராஜன், பாளையம் மகளிர் அணி துணைச் செயலாளர் மாரியம்மாள், மாவட்ட கழக நிர்வாகிகள், சார்பு அணி செயலாளர்கள், பேரூர்,வார்டு, மற்றும் வட்ட கழக செயலாளர்கள் மற்றும் நிர்வாகிகள் கலந்து கொண்டனர்.