நெல்லை போலீஸ் சோதனைச்சாவடியில் இருசக்கர வாகனம் மோதி 2 பேர் பலி

தென்காசி மாவட்டம் அச்சன்புதூர் சேர்ந்த கோபாலகிருஷ்ணன் மற்றும் சுதாகர் இருவரும் தங்களது குடும்பத்தினருடன் திருநெல்வேலி கேடிசி நகரில் வசித்து வருகின்றனர். இருவரும் புதிய ரக இருசக்கர வாகனம் ஒன்றில் தூத்துக்குடிக்கு சென்றுவிட்டு இரவில் ஊர் திரும்பி உள்ளனர். அதி வேகத்தில் வந்த அவர்களின் வாகனம், கேடிசி நகர் காவல்துறை சோதனைச்சாவடி தடுப்பில் பலத்த சத்தத்துடன் மோதியது.

இதில், கோபாலகிருஷ்ணன் மற்றும் சுதாகர் இருவரும் தூக்கி வீசப்பட்டு சம்பவ இடத்திலேயே உயிரிழந்தனர். பாளையங்கோட்டை காவல் துறையினர் உடலை கைப்பற்றி வழக்குப்பதிவு செய்து விசாரணை மேற்கொண்டு வருகின்றனர். விசாரணையில் 37 வயதான சுதாகர் சென்னையில் தனியார் மென்பொருள் நிறுவனத்தில் பணியாற்றி வருவதும், அவருக்கு திருமணமாகி இரண்டு குழந்தைகள் இருப்பது தெரியவந்துள்ளது. மது அருந்தி விட்டு இருவரும் அதிவேகமாக வந்ததாக, விசாரணை தெரியவந்துள்ளது.