நெல்லை புத்தக திருவிழாவில் பள்ளி, கல்லூரி மாணவர்களுக்கு கைவினை பயிற்சி வகுப்பு

பொருநை நெல்லை புத்தக கண்காட்சியில் பள்ளி கல்லூரி மாணவ மாணவிகள் மற்றும் பொதுமக்களுக்கு கைவினை பயிற்சி வகுப்பு.

பொருநை நெல்லை புத்தக கண்காட்சியில் ஒரு சிறப்பு நிகழ்வாக நெல்லை அரசு அருங்காட்சியகம் சார்பாக பள்ளி, கல்லூரி. மாணவ- மாணவிகளுக்கு பயிற்சி வகுப்புகள் நடைபெற்றன. பயிற்சி வகுப்பின் ஆறாம் நாளான இன்று வாழை நார் கொண்டு அழகிய கைவினைப் பொருள்கள் தயாரிக்கும் பயிற்சி நடத்தப்பட்டது. மாவட்டக் காப்பாட்சியர் சிவ. சத்திய வள்ளி இப்பயிற்சியை துவங்கி வைத்தார். இப்பயிற்சியினை மகளிர் திட்டம் சார்பில் களக்காடு காஸ்டு நிறுவனத்தை சார்ந்த கோமதி, கலா, பிச்சம்மாள், செல்லப்பாண்டியன், தங்கராஜ் ஆகியோர் இப்பயிற்சியை நடத்தினர்.

இப்பயிற்சியில் பள்ளி, கல்லூரி மாணவ- மாணவிகள், பொதுமக்கள் என நூற்றுக்கும் மேற்பட்ட மாணவ- மாணவிகள் இப்பயிற்சியில் கலந்து கொண்டனர். பயிற்சியில் கலந்து கொண்ட அனைவருக்கும் சான்றிதழ்கள் வழங்கப்பட்டன. தொடர்ந்து ஏழாம் நாள் தேங்காய் ஓடு கொண்டு அழகிய கலைப் பொருட்கள் தயாரிக்கும் பயிற்சி நடைபெற உள்ளது. பயிற்சியில் சிறியவர் முதல் பெரியவர்கள் வரை அனைவரும் கலந்து கொள்ளலாம் என நெல்லை மாவட்ட காப்பாட்சியர் சிவ. சத்திய வள்ளி தனது செய்திக்குறிப்பில் தெரிவித்துள்ளார்.