நாங்குநேரி அதிமுக வேட்பாளர் வாக்கு சேகரிப்பு

திருநெல்வேலி மாவட்டம் நாங்குநேரி சட்டமன்ற தொகுதி அதிமுக வேட்பாளர் தச்சை-கணேசராஜா பரப்பாடியிலுள்ள காமராஜர் சிலைக்கு மாலை அணிவித்து வாக்குகள் சேகரித்தார்.

தேர்தலுக்கு சில நாட்களே உள்ள நிலையில் பிரச்சாரம் தீவிரம் அடைந்து வருகிறது. இதில் நாங்குநேரி தெற்கு ஒன்றியம் பரப்பாடி பகுதியில் நாங்குநேரி சட்டமன்ற தொகுதி வேட்பாளர் தச்சை-கணேசராஜாவுக்கு பொதுமக்கள் உற்சாக வரவேற்பு அளித்தனர். பரப்பாடி ஊரில் உள்ள காமராஜர் சிலைக்கு மாலை அணிவித்து மரியாதை செலுத்தினார்.மேலும் அங்கிருந்த பொதுமக்களிடம் தேர்தல் அறிக்கைகளை எடுத்துக் கூறி வாக்கு சேகரித்தார்.