மழைநீரை அகற்றக்கோரி பொதுமக்கள் சாலை மறியல்

தூத்துக்குடியில் தேங்கிய மழைநீரை அகற்ற கோரி பொதுமக்கள் சாலைமறியல் செய்தனர்.

தூத்துக்குடியில் ஐந்து நாட்களாக தொடர்ந்து பெய்த கனமழை காரணமாக மாப்பிள்ளையூரணி பஞ்சாயத்துக்குட்பட்ட பூப்பாண்டியாபுரம் பகுதியில் தேங்கியுள்ள மழை நீரை அகற்ற கோரி அப்பகுதி பொதுமக்கள் தூத்துக்குடி ராமேஸ்வரம் பிரதான சாலை சோட்டையன் தோப்பு சந்திப்பில் சாலை மறியலில் ஈடுபட்டனர்.இது குறித்து தகவல் அறிந்த தாளமுத்துநகர் காவல் துறையினர் பேச்சு வார்த்தையில் ஈடுபட்டு பொதுமக்களை கலைந்து செல்லுமாறு கேட்டுகொண்டனர். ஆனால் பொதுமக்கள் கலைந்து செல்லவில்லை. பஞ்சாயத்து நிர்வாகத்தினர் மழைநீரை மோட்டார் வாகனங்கள் மூலம் அகற்றினால் மட்டுமே இந்த இடத்தை விட்டு செல்வோம் என மறியலில் ஈடுபட்டு வருகின்றனர்.