பேருந்தும் லாரியும் நேருக்கு நேர் மோதி பயங்கர விபத்து

திருவாரூர் மாவட்டம் மன்னார்குடி அருகே ரொக்ககுத்தகை என்னும் இடத்தில் சென்னையிலிருந்து மன்னார்குடி நோக்கி வந்த அரசு பேருந்தும். தமிழ்நாடு நுகர்பொருள் வாணிப கழகத்தில் கொள்முதல் செய்யப்பட்ட நெல்மூட்டைகளை நீடாங்கலம் பகுதிக்கு ஏற்றி சென்ற லாரியும் நேருக்கு நேர் பயங்கரமாக மோதிக்கொண்டன.

இதில் பேருந்து முன்பக்கத்தின் ஒரு பகுதி அப்பளம் போல் நொறுங்கியது. லாரி மற்றும் பேருந்து ஓட்டுநர்கள் ஆகிய இருவருக்கும் பலத்த காயம் ஏற்பட்டது. பேருந்தில் பயணம் செய்த பயணிகள் சிறு காயங்களுடன் உயிர் தப்பினர். அந்த வழியாக சென்றவர்கள் விபத்தி சிக்கியவர்களை மீட்கும் பணியில் ஈடுபட்டனர் .

தகவலறிந்து வந்த மன்னார்குடி காவல்துறையினர் காயமடைந்தவர்களை மீட்டு சிகிச்சைக்காக மன்னார்குடி அரசு மாவட்ட தலைமை மருத்துவமனையில் அனுப்பி வைத்தனர் . மேலும் விபத்துக்காரணம் குறித்து வழக்கு பதிவுசெய்யப்பட்டு விசாரணை மேற்கொண்டு வருகின்றனர் .

இந்த சாலை விபத்தினால் மன்னார்குடியிலிருந்து சென்னை செல்லும் சாலையில் சுமார் 4 மணிநேரமாக போக்குவரத்து பாதிப்பு ஏற்பட்டது .