பணத்தை திரும்ப கேட்டவருக்கு கொலை மிரட்டல்- ஒருவர் கைது

தென்காசி மாவட்டத்தில் கொடுத்த பணத்தை திரும்பி கேட்டவரை கண்ணாடி பாட்டிலால் அடித்து கொலை மிரட்டல் விடுத்த நபர் கைது செய்யப்பட்டார்.

தென்காசி மாவட்டம் அச்சன்புதூர் காவல் நிலைய எல்லைக்குட்பட்ட கோட்டைத்திரட்டில் வசித்து வரும் ஐயப்பன் (50) என்பவரும் அதே பகுதியை சேர்ந்த மணிகண்டன்(33) என்பவரும் ஒன்றாக வேலை செய்து வருகின்றனர். இந்நிலையில் வேலைக்கு வருவதாக கூறி மணிகண்டன் ஐயப்பனிடமிருந்து முன்பணம் வாங்கி சென்று விட்டு வேலைக்கு வராமல் இருந்துள்ளார்.இது குறித்து ஐயப்பன் மற்றும் அவரின் மகனான மகேந்திர பூபதி (25) இருவரும் மணிகண்டனிடம் கேட்டதற்கு இருவரையும் அசிங்கமாக பேசி கண்ணாடி பாட்டிலால் அடித்து கொலை மிரட்டல் விடுத்துள்ளார். இதுகுறித்து ஐயப்பனின் மகனான மகேந்திர பூபதி அச்சன்புதூர் போலீசில் கொடுத்த புகாரின் பேரில் போலீசார் விசாரணை மேற்கொண்டு மேற்படி மணிகண்டன் மீது வழக்குப்பதிவு செய்து கைது செய்து சிறையில் அடைத்தார்.