த.வெ.க. புதுச்சத்திரத்தில் கண்டன ஆர்ப்பாட்டம்

தமிழக வெற்றிக்கழகத்தினர் பல்வேறு கோரிக்கைகளை வலியுறுத்தி ஆர்ப்பாட்டம் நடத்தினர்

புதுச்சத்திரத்தில் உள்ள டாஸ்மாக் கடையை இடமாற்றம் செய்ய வேண்டும், அரசு மருத்துவமனையைத் தரம் உயர்த்த வேண்டும், ஏரிகளில் உள்ள கருவேல மரங்களை அகற்ற வேண்டும் உள்ளிட்ட ஆறு அம்ச கோரிக்கைகளை வலியுறுத்தி புதுச்சத்திரம் ஒன்றிய தமிழக வெற்றிக்கழகம் (த.வெ.க.) சார்பில் நேற்று கண்டன ஆர்ப்பாட்டம் நடைபெற்றது. இந்த ஆர்ப்பாட்டத்தில் த.வெ.க. ஒன்றிய செயலாளர் ராகவேந்திரா தலைமை வகித்தார். மாவட்ட செயலாளர் சதீஷ் இந்த ஆறு அம்ச கோரிக்கைகள் குறித்து விரிவாக எடுத்துரைத்தார். இந்த ஆர்ப்பாட்டத்தில் கட்சியின் ஏராளமான உறுப்பினர்கள் ஆதரவாகக் கலந்துகொண்டு தங்களது கோரிக்கைகளைத் தெரிவித்தனர்.