சேலம் மாவட்டத்தில் 15ம் தேதி முதல் போக்குவரத்து மாற்றம்

மல்லியக்கரை – ஆத்துார் சாலையில் இரயில்வே மேம்பால பணிகள் நடைபெறுவதால் வாகனங்கள் மாற்றுப்பாதையை பயன்படுத்திக் கொள்ளுமாறு அறிவுறுத்தப்படுகிறது.

இதுகுறித்து தமிழ்நாடு சாலை மேம்பாட்டுத் திட்ட கோட்டப் பொறியாளர் (நெ) நடராஜன் வெளியிட்டுள்ள அறிவிப்பில், சேலம் மாவட்டம், மல்லியக்கரை - ஆத்தூர் சாலையில் இரயில்வே மேம்பால பணிகள் நடைபெறுவதால் வாகனங்கள் அருகில் உள்ள இரயில்வே கீழ்பாலத்தை பயன்படுத்திக் கொள்ளுமாறு கேட்டுக்கொள்ளப்படுகிறது.

சேலம் மாவட்டம், மல்லியக்கரை - ஆத்துார் சாலையில் (SH-30) கி.மீ 90/4 ல் இரயில்வே மேம்பால பணிகள் நடைபெறுவதால் வரும் 15ம் தேதி முதல் இருசக்கர மற்றும் இலகுரக வாகனங்கள் அருகில் உள்ள (Steel Mill Road) இரயில்வே கீழ்பாலத்தை பயன்படுத்திக் கொள்ளுமாறும். இராசிபுரம்-ஆத்தூர் செல்லும் கனரக வாகனங்கள் வாழப்பாடி வழியாகவும் (வாழப்பாடி- திம்மநாயக்கன்பட்டி சாலை), தம்மம்பட்டி- ஆத்துார் செல்லும் கனரக வாகனங்கள் தம்மம்பட்டி கெங்கவல்லி சாலையை பயன்படுத்தி மஞ்சினி வழியாக ஆத்தூர் செல்லுமாறும் கேட்டுக்கொள்ளப்படுகிறது.

மேலும், மல்லியக்கரை - ஆத்துார் சாலையில் இரயில்வே மேம்பால பணிகள் முடியும் வரை கனரக வாகனங்கள் செல்ல தடை விதிக்கப்பட்டுள்ளது. இவ்வாறு தமிழ்நாடு சாலை மேம்பாட்டுத் திட்ட கோட்டப் பொறியாளர் (நெ) நடராஜன் தெரிவித்துள்ளார்.