சேலம் ஸ்ரீ பாரதி நர்சிங் ஹோமில் 25வது ஆண்டு விழா

சேலம் நகரின் அன்னதானப்பட்டி பகுதியில் பிரபலமாக செயல்பட்டு வரும் ஸ்ரீ பாரதி நர்சிங் ஹோம் மக்களின் அன்பு மற்றும் ஆதரவுடன் தனது 25 ஆண்டுகால சேவை நிறைவை குறிக்கும் வகையில் வெள்ளி விழாவை மிகவும் சிறப்பாக கொண்டாடியது. இந்த முக்கிய நிகழ்வில் மதுரை அப்பல்லோ மருத்துவமனையின் மூத்த இருதய அறுவை சிகிச்சை நிபுணரான டாக்டர் பி.கார்த்திக் குமரன் சிறப்பு விருந்தினராக கலந்து கொண்டு தலைமை வகித்தார். நிகழ்ச்சியின் தொடக்கத்தில் டாக்டர் சி.பிரதிபா அனைவரையும் அன்புடன் வரவேற்று மருத்துவமனையின் பயணம் குறித்து விளக்கினார். மருத்துவமனையின் மூத்த உரிமையாளரான டாக்டர் பாரதி குத்துவிளக்கு ஏற்றி விழாவை அதிகாரப்பூர்வமாக துவக்கி வைத்தார், மருத்துவமனையின் நிறுவனர் கே.ஆர்.எஸ்.சந்திரசேகரன் கடந்த 25 ஆண்டுகால சேவைப் பயணத்தையும் மருத்துவமனை எதிர்கொண்ட சவால்களையும் சாதனைகளையும் பகிர்ந்து கொண்டார். இந்த வெள்ளி விழா நிகழ்ச்சியில் உடுமலை டாக்டர் பி.கார்த்திக், டாக்டர் எம்.வெங்கடேசன், டாக்டர் எம்.கே.ராஜேந்திரன், டாக்டர் எஸ்.ஆர். சுப்பிரமணியன், டாக்டர் ஆர்.ராஜ்குமார், டாக்டர் எம்.தேன்மொழி ஆகிய மருத்துவ நிபுணர்களுடன் சேலம் மாநகர தலைமை பொறியாளர் ஆர்.செந்தில்குமார் உள்ளிட்ட பல முக்கிய பிரமுகர்கள் மற்றும் மருத்துவ துறையைச் சார்ந்த பலரும் கலந்து கொண்டு சிறப்பித்தனர். நிகழ்ச்சியின் இறுதியில் டாக்டர் சி.பவித்ரா அனைவருக்கும் நன்றி தெரிவித்து உரையாற்றினார். இவ்வாறாக மக்கள் நலனில் அக்கறை கொண்டு இருபத்தைந்து ஆண்டுகளாக சேவையாற்றி வரும் ஸ்ரீ பாரதி நர்சிங் ஹோமின் வெள்ளி விழா நிறைவடைந்தது.