சேலத்தில் நாட்டுப்புற கலைகள் திருவிழா

தமிழக அரசின் கலை பண்பாட்டுத்துறை சார்பில் ஆண்டுதோறும் பொங்கல் விழாவையொட்டி சென்னையில் நடத்தப்படும் நாட்டுப்புற கலைகள் திருவிழாவைப் போலவே, கடந்த ஆண்டு முதல் சேலம் உள்ளிட்ட எட்டு மண்டலங்களில் 'நம்ம ஊரு கலைத்திருவிழா' என்ற பெயரில் பிராந்திய அளவிலான கலை நிகழ்ச்சிகள் நடத்தப்பட்டு வருகின்றன, நடப்பாண்டின் சேலம் மண்டலத்திற்கான நாட்டுப்புற கலைக்குழுக்களின் தேர்வுக்கான வீடியோ பதிவு நிகழ்ச்சி சேலம் அரசு இசைப்பள்ளியில் இரண்டு நாட்கள் சிறப்பாக நடைபெற்றது, நேற்று முன்தினம் நடந்த பதிவு நிகழ்ச்சியில் நையாண்டி மேளம், கரகாட்டம், காவடியாட்டம், மயிலாட்டம், பறையாட்டம், பம்பை இசை, கை சிலம்பாட்டம், இறை நடனம் உள்ளிட்ட 15 வகையான நாட்டுப்புற கலைக்குழுக்களின் பாரம்பரிய ஆட்டங்கள் வீடியோ பதிவு செய்யப்பட்டன, அதைத் தொடர்ந்து நேற்று நடைபெற்ற இரண்டாம் நாள் நிகழ்ச்சியில் தெருக்கூத்து, நாடகம், பொம்மலாட்டம் உள்ளிட்ட மேலும் 16 நாட்டுப்புற கலைக்குழுக்களின் நடனங்கள் வீடியோவாக பதிவு செய்யப்பட்டன, இந்த பதிவு செய்யப்பட்ட அனைத்து கலை நிகழ்ச்சிகளிலிருந்தும் மொத்தம் ஒன்பது சிறந்த குழுக்கள் தேர்வு செய்யப்பட்டு சேலம் மண்டல அளவிலான 'நம்ம ஊரு கலைத்திருவிழா'வில் பங்கேற்க வாய்ப்பு வழங்கப்படும் என்றும், அதில் மிகச் சிறப்பாக செயல்படும் ஒரு குழு மாநில அளவில் சென்னையில் நடைபெறும் திருவிழாவில் பங்கேற்கத் தேர்வு செய்யப்படும் என்றும் கலை பண்பாட்டுத்துறை அதிகாரிகள் தெரிவித்துள்ளனர், இந்த போட்டிகளில் பங்கேற்ற அனைத்து நாட்டுப்புற கலைக்குழுக்களும் தங்களது திறமைகளை வெளிப்படுத்த மிகுந்த ஆர்வத்துடன் கலந்து கொண்டதாக நிகழ்ச்சியை ஒருங்கிணைத்தவர்கள் பாராட்டியுள்ளனர்.