பறிமுதல் செய்யப்பட்ட வாகனங்கள் ஏலம்

சேலத்தில் பறிமுதல் செய்யப்பட்ட வாகனங்கள் ஏலம் – ஏப்ரல் 8ல் நடைபெறுகிறது

சேலம்: மதுவிலக்கு குற்ற வழக்குகளில் பறிமுதல் செய்யப்பட்ட 12 இருசக்கர வாகனங்கள், வரும் ஏப்ரல் 8 ஆம் தேதி ஏலத்திற்கு விடப்பட உள்ளன. இதுகுறித்து சேலம் மாநகர காவல் கமிஷனர் பிரவீன் குமார் அபிநவ் அறிவிப்பு வெளியிட்டுள்ளார்.

ஏலத்திற்கு முன்பாக, வாகனங்களை பார்வையிட விருப்பமுள்ளோர், சூரமங்கலம் மதுவிலக்கு அமலாக்க பிரிவு வளாகத்தில், ஏப்ரல் 6ஆம் தேதி காலை 10:00 மணி முதல் மாலை 5:00 மணி வரை வாகனங்களை நேரில் காணலாம்.

ஏலத்தில் பங்கேற்க விரும்பும் நபர்கள், ஏப்ரல் 8 ஆம் தேதி காலை 9:00 மணி முதல் 10:00 மணி வரை ₹5,000 முன்பணம் செலுத்த வேண்டும். ஏலம் வென்றவர்கள், ஜிஎஸ்டி உள்ளிட்ட முழுத்தொகையையும் உடனடியாக செலுத்தி, அன்றையதே வாகனங்களை பெற்றுக்கொள்ள வேண்டும்.

மேலும் விவரங்களுக்கு, 94981 02546 என்ற எண்ணில் தொடர்பு கொள்ளலாம் என காவல் துறை தெரிவித்துள்ளது.