கொரோனா ஸ்பைக் புரதத் தடுப்பூசி செயல்திறன் தக்கவைப்பு: ஐஐடி ஆய்வில் கண்டுபிடிப்பு

சென்னையில் உள்ள இந்திய தொழில்நுட்பக்கழக (ஐஐடி மெட்ராஸ்) ஆராய்ச்சியாளர்கள், கொரோனாவைரஸ்-ன் (சார்ஸ் கோவ்-2) பலதரப்பட்ட உருமாற்றங்களுக்கு எதிராக ஸ்பைக் புரத தடுப்பூசிகள் பயனுள்ள வகையில் செயல்படுவதாகக் கண்டறிந்துள்ளனர்.

டெல்டா பிளஸ், காமா, ஜீட்டா, மிங்க், ஒமிக்ரான் போன்ற குறிப்பிட்ட உருமாற்றங்களால் பாதிப்பு ஏற்படும்போது, நோய் எதிர்ப்புத்திறன் உருவாகி எதிர்கொள்வதுடன் தடுப்பூசியால் தூண்டப்பட்ட டி-செல்களும் அவற்றை சமாளிக்கும்.

பரிசோதனைகள் மூலம் இவற்றை சரிபார்க்க வேண்டிய அவசியம் இருப்பதாகத் தெரிவித்துள்ள ஆராய்ச்சியாளர்கள், தற்போதைய ஸ்பைக் புரத தடுப்பூசிகள் கொரோனாவைரஸ் (சார்ஸ் கோவ்-2) உருமாற்றங்களுக்கு எதிராக திறம்பட செயல்படுவதாகக் கருதுகின்றனர்.

வுஹானில் முதலில் உருவான நோய்த்தொற்றை அடிப்படையாகக் கொண்டு தடுப்பூசி தயாரிக்கப்பட்ட நிலையில், அதற்குப் பிந்தைய உருமாற்றங்களால் நோய்த்தொற்று ஏற்படும்போது அதன் எதிர்வினை என்னவாக இருக்கும் என ஆராய்ச்சியாளர்கள் கண்டறியத் தொடங்கி உள்ளனர். சார்ஸ்கோவ்-2ன் உருமாற்றங்களின்போது, வைரசின் ஸ்பைக் புரதத்தில் மூலக்கூறு நிலையில் மாற்றங்கள் ஏற்படுகின்றன. இந்த உருமாற்றங்கள் எபிடோப்புகள் என்றழைக்கப்படும் டி-செல்களால் ஆன புரத வரிசைகளையும் உள்ளடக்கி இருக்கின்றன.

நோய் எதிர்ப்பைத் தரும் இந்த உருமாற்றங்களின் விளைவைப் புரிந்து கொள்வதன் வாயிலாக, சார்ஸ் கோவ்-2 உருமாற்றங்களுக்கு எதிரான தடுப்பூசியின் செயல்திறன் குறித்த தெளிவு கிடைக்கும்.

ஐஐடி மெட்ராஸ் பூபத்-ஜோதி மேத்தா உயிரி அறிவியல் பள்ளியின் உயிரித் தொழில்நுட்பத் துறை உதவிப் பேராசிரியர் டாக்டர் வாணி ஜானகிராமன் தலைமையில் இதற்கான ஆராய்ச்சி மேற்கொள்ளப்பட்டது.

டாக்டர் வாணி ஜானகிராமனுடன், ஐஐடி மெட்ராஸ் உயிரித் தொழில்நுட்பத் துறை மாணவர்களான திரு.எஸ்.சங்கரநாராயணன், செல்வி முக்தா முகேத்கர் ஆகியோர் இணைந்து தயாரித்துள்ள ஆய்வறிக்கை முடிவுகள் அண்மையில் BBA - Molecular Basis of Disease (https://doi.org/10.1016/j.bbadis.2022.166432)என்ற மதிப்புமிக்க ஆய்வுமதிப்பீட்டு இதழில் வெளியிடப்பட்டன.

ஆராய்ச்சியின் முக்கிய கண்டுபிடிப்புகளை எடுத்துரைத்த ஐஐடி மெட்ராஸ் பூபத்-ஜோதி மேத்தா உயிரி அறிவியல் பள்ளியின் உயிரித் தொழில்நுட்பத் துறை உதவிப் பேராசிரியர் டாக்டர் வாணி ஜானகிராமன்,"இந்த ஆய்வின்படி, ஸ்பைக் புரதத்தின் அடிப்படையிலான வெவ்வேறு வடிவ தடுப்பூசிகளின் செயல்திறன், நோய் எதிர்ப்புத் திறனைத் தூண்டுவது மட்டுமின்றி டி-செல்களால் ஏற்கக் கூடியதா என்பதையும் பொருத்ததாகும். வெவ்வேறு உருமாற்றங்களால் ஏற்படும் பிறழ்வுகளை எபிடோப் வரிசைகளை பகுப்பாய்வு செய்வதன் மூலமும், தடுப்பூசி செலுத்தும்போது டி-செல்களை எந்த அளவுக்குத் தூண்டுகிறது என்பதைப் பொருத்தும் உருமாற்றங்களின் செயல்திறனை மதிப்பிடலாம்" எனக் குறிப்பிட்டார்.

ஸ்பைக் புரதங்களில் குறைவான பிறழ்வு எபிடோப்புகள் இருப்பதைப் பொருத்தும், அசல் எபிடோப்புகளுடன் ஒப்பிடுகையில் பிறழ்வு எபிடோப்புகளால் தூண்டப்படும் நோய் எதிர்ப்பு சக்தியைப் பொருத்தும், தடுப்பூசிகள் எந்த அளவுக்கு செயல்திறன் கொண்டதாக உள்ளன என்பதைக் கண்டறிய முடியும்.

டாக்டர் வாணி ஜானகிராமன் மேலும் கூறுகையில்,"உடலின் நோய் எதிர்ப்பு ஆற்றலில் டி-செல்கள் முக்கிய பங்கு வகிக்கின்றன. பாதிக்கப்பட்ட செல்லின் மேற்பரப்பில் எம்எச்சி எனப்படும் பெரிய மூலக்கூறுடன் இணைந்து அளிக்கப்படும் எபிடோப்புடன் பிணைக்கும் ஏற்பிகளை டி-செல்கள் பெற்றுள்ளன. புதிதாகவோ அல்லது தடுப்பூசி நினைவு மூலமோ நோய் எதிர்ப்பு ஆற்றலைத் தூண்டி விடுகிறது" எனத் தெரிவித்தார்.

தடுப்பூசி செலுத்துதல் என்பது வைரசின் லேசான வடிவம் அல்லது உடலில் அறிமுகப்படுத்தப்படும் வைரசின் ஒரு பாகம் ஆகியவற்றால் உட்செலுத்தப்படும் செயல்முறையாகும். எபிடோப்புகள் என்றழைக்கப்படும் புரோட்டின் துண்டுகள், உட்செலுத்தப்படும் வைரஸ்/ வைரஸ் பகுதி உடலில் நோய் எதிர்ப்பு ஆற்றலைத் தூண்டுகின்றன.

ஸ்பைக் புரத எம்ஆர்என்ஏ தடுப்பூசியைப் பொறுத்தவரை, மெசஞ்சர்- ஆர்என்ஏ-வைமுதல்உயிரியாகஅறிமுகப்படுத்தி புரதத்தை உருவாக்கும்வகையில், சிறிய துண்டுகளாக செல்கள் வெட்டப்பட்டு (எபிடோப்புகள்) டி-செல்களுக்கு வழங்கப்படுகிறது. கடைசியில் இது உடலில் நோய் எதிர்ப்பு சக்தியைத் தூண்டி விடுகிறது. இரு முறைகளிலுமே, எதிர்கால நோய்த்தொற்றுக்கு எதிராக பாதுகாப்பதற்கான செயல்திறன் நினைவில் கொள்ளப்படுகிறது.

நோய்த்தொற்று உருமாற்றங்களால் எத்தனை எபிடோப்புகளில் பிறழ்வு ஏற்பட்டன என்பதையும், இவ்வாறு பிறழ்வு ஏற்பட்ட எபிடோப்புகள், தடுப்பூசி செலுத்தப்பட்ட பின்னர் அதன் திறனை மதிப்பிடும் வகையில் நோய் எதிர்ப்பு ஆற்றலின் செயல்பாட்டில் மாற்றத்தை ஏற்படுத்துமா என்பதையும் ஐஐடி குழுவினர் கண்டறிய முயன்றனர்.

டெல்டா பிளஸ், காமா, ஜீட்டா, மிங்க் மற்றும் ஓமிக்ரான் ஆகிய சில வகைகளில் டி-செல் எபிடோப்புகளில் (சிடி4+, சிடி8+ ஆகிய இரண்டும்) மூலக்கூறு வித்தியாசங்களை ஆராய்ச்சியாளர்கள் ஆய்வு செய்தனர். பிறழ்வு ஏற்பட்ட எபிடோப் மூலக்கூறு கட்டமைப்புகள் நோய் எதிர்ப்பு தகவல் கருவிகள் மூலம் மேலும் பகுப்பாய்வு செய்யப்பட்டது. எம்எச்சி மூலக்கூறுகளை பிணைக்கும் திறன் உள்ளதா எனவும், டி-செல்களை அங்கீகரிக்கும்/ தூண்டிவிடும் திறன் உள்ளதா எனவும் ஆய்வு மேற்கொள்ளப்பட்டது.

"ஒமிக்ரானைத் தவிர மற்ற அனைத்து உருமாற்றங்களிலும் சிடி4+, சிடி8+ ஆகிய இரு எபிடோப்களும் குறைந்தது 90 விழுக்காடு அளவுக்கு பாதுகாக்கப்பட்டிருப்பதைக் கண்டறிந்தோம். ஒமிக்ரானில் கூடஏறத்தாழ 75% முதல் 80% வரை சிடி4+, சிடி8+ எபிடோப்புகள்பாதுகாக்கப்பட்டுள்ளன. மேலும், நோய் எதிர்ப்புத் தகவல் கருவிகள் எம்ஹெச்சி மூலக்கூறுகளை பிணைக்கும் வகையில் எபிடோப்புகளின் முக்கியமாக தக்கவைக்கப்பட்ட திறனை முன்கூட்டியே கணித்துடி-செல் செயல்திறனைத் தூண்டுகின்றன. அதாவது, தடுப்பூசி மூலம் உடல் ஏற்றுக்கொண்ட டி-செல் நோய் எதிர்ப்பு ஆற்றலைத் தவிர்க்கும் வகையில் எபிடோப்புகளில் ஏற்படும் மாற்றங்கள் பெரிய அளவில் இல்லை"என டாக்டர் வாணி ஜானகிராமன் தெரிவித்தார்.

வைரஸ்களுக்கு எதிராக தடுப்பூசி செலுத்தும்போது பாதுகாப்பை அளிப்பதில் டி- சார்புகள் முக்கிய பங்கு வகிப்பதைக் கருத்தில் கொண்டு, CD4+, CD8+ ஆகிய டி-செல் நோய்த் தொற்றுத் தீவிரமாவதையும், உயிரிழப்பையும் எதிர்த்துப் போராடும் திறனைத் தக்கவைக்க வழிவகுக்கும் என இந்தப் பகுப்பாய்வு பரிந்துரைத்துள்ளது. எனவே, நோய் எதிர்ப்பு ஆற்றல் குறைக்கப்படும் சூழலில், உருமாற்றங்களில் தடுப்பூசி எதிர்ப்பு ஆற்றலாக மாறாமல் போகலாம் என ஐஐடி ஆராய்ச்சியாளர்கள் ஆய்வின் முடிவில் தெரிவித்துள்ளனர்.