சோளிங்கரில் தொழில்முனைவோருக்கான விழிப்புணர்வு நிகழ்ச்சி நடைபெற்றது

இராணிப்பேட்டை மாவட்டம் சோளிங்கரில் மாவட்ட சிறு,குறு தொழிற்சாலைகள் சங்கம் சார்பில் தொழில் முனைவோருக்கான ஆலோசனைகள் மற்றும் விழிப்புணர்வு நிகழச்சிநடந்தது .

அதில் மாவட்ட RADSMIA தலைவர் சந்திரகாசன் தலைமை தாங்கினார், செயலாளர் புனிதவேல் முன்னிலை வகித்தார், இணைச்செயலாளர்கள் சண்முகநாதன், முரளி,ரோசய்யா மற்றும் மகந்திரன் வரவேற்றனர்.

சிறப்புஅழைப்பாளர்களான மாவட்ட தொழில்மையம் ( DIC ) பொது மேலாளா் ஆனந்தன், மற்றும் தமிழ்நாடு தொழில் முதலீட்டுக்கழகம் (TIIC) மேலாளா் காதம்பரி ஆகியோர் ஆலோசனைகளை வழங்கினர் .

சிறு,குறு தொழில் சாா்ந்த அரசின் திட்டங்கள் மற்றும் சலுகைகள் அதற்கான வழிகாட்டுதல் ஆகியவற்றை விரிவாக எடுத்துரைத்தனர். பின்னர், தொழில் முனைவோரின் சந்தேகங்களுக்கு விளக்கம் அளித்தனர்.

விழிப்புணர்வு நிகழ்ச்சியில் சங்க உறுப்பினர்கள், ஏராளமான தொழில் முனைவோா்கள் கலந்துகொண்டனர்.