இராமநாதபுரத்தில் 66வது எல்ஐசி பிறந்த தினத்தை முன்னிட்டு இன்சூரன்ஸ் வார விழா

இராமநாதபுரம் எல்.ஐ.சி கிளையில் 66வது எல்ஐசி பிறந்த தினத்தை முன்னிட்டு இன்சூரன்ஸ் வார விழா நடைபெற்றது. இந்திய சீன எல்லையில் நாட்டுக்காக உயிர் தியாகம் செய்த ராணுவ வீரர் பழனி மனைவி வானதி குத்துவிளக்கு ஏற்றி துவக்கி வைத்தார். இராமேஸ்வரம் சிறப்பு அதிகாரி கிளை மேலாளர் சுப்பிரமணியம் அனைவரையும் வரவேற்றார்.

இராமநாதபுரம் முதுநிலை கிளை மேலாளர் லட்சுமணன் சிறப்புரை ஆற்றும் பொழுது, இராமநாதபுரம் கிளை மதுரை கோட்ட அளவில் வணிகத்திலும் சேவையிலும் சிறந்து விளங்குகிறது. இந்த வாரம் முழுவதும் ஒவ்வொரு நாளும் ஒவ்வொரு விதமான விழா கொண்டாடுவதால் இந்தப் பகுதி மக்களுக்கு இன்சூரன்ஸ் சம்பந்தமான விழிப்புணர்வை ஏற்படுத்த இருப்பதாகவும் கூறினார். இராமநாதபுரம் கிளை உதவி மேலாளர் சிவகுமார் நன்றி கூறினார்.

இவ்விழாவில் ஏராளமான பாலிசிதாரர்கள், முகவர்கள், அலுவலக ஊழியர்களும் கலந்து கொண்டனர். இவ்விழாவிற்கான ஏற்பாட்டினை விற்பனை பிரிவு தலைவர் முத்துப்பாண்டி செய்திருந்தார்.