உரிய ஆவணங்கள் இல்லாத 6 லட்சம் பறிமுதல்

பரமக்குடி அருகே பார்த்திபனூர் சோதனைச்சாவடியில் உரிய ஆவணங்கள் இல்லாத 6 லட்சம் ரூபாய் பறிமுதல் செய்யப்பட்டது.

இராமநாதபுரம் மாவட்டம் பரமக்குடி அருகே பார்த்திபனூர் சோதனை சாவடியில் தேர்தல் பறக்கும் படை அதிகாரிகள் வாகன சோதனையில் ஈடுபட்டனர். அப்போது கடலூர் மாவட்டத்திலிருந்து பரமக்குடி ஆட்டுச்சந்தைக்கு ஆடுகளை வாங்க வந்த வியாபாரிகள் துரைராஜ், ஆனைமலை, கண்ணன் ஆகியோர் வந்த வாகனத்தை சோதனையிட்ட போது அதில் உரிய ஆவணங்கள் இன்றி எடுத்துச் செல்லப்பட்ட 5 லட்சத்து 65 ஆயிரத்து 300 ரூபாயை தேர்தல் பறக்கும் படை அதிகாரி முத்துக்குமார் தலைமையிலான குழுவினர் பறிமுதல் செய்தனர்.

இதேபோல் இராமநாதபுரம் மாவட்டம் அச்சுந்தன்வயல் பகுதியை சேர்ந்த ஆட்டு வியாபாரி பாக்கியம் என்பவரிடமிருந்து ரூ 73 ஆயிரம் பறிமுதல் செய்யப்பட்டது. மொத்தம் பறிமுதல் செய்யப்பட்ட 6 லட்சத்தி 38 ஆயிரத்து 300 ரூபாய் பணம் பரமக்குடி கருவூலத்தில் ஒப்படைக்கப்பட்டது.