முதுகுளத்தூர்:இயந்திரம் பழுதால் குடிநீர் தட்டுப்பாடு - பொதுமக்கள் அவதி

மேலும் குடிநீருக்காக பல மைல் தூரம் அலைந்து தண்ணீர் எடுத்து வர வேண்டிய சூழ்நிலை ஏற்பட்டுள்ளதாகவும், தமிழ்நாடு குடிநீர் வடிகால் வாரியத்தின் கீழ் கட்டுப்பாட்டில் இயங்கி வரும் உப்பு நீரை நன்னீராக மாற்றும் இயந்திரத்தின் பழுதை சரி செய்து முறையாக தொடர்ந்து குடிநீர் வழங்கவும் அப்பகுதி மக்கள் வலியுறுத்தி வருகின்றனர். இதுகுறித்து அதிகாரிகளிடம் முறையிட்டும் எந்த நடவடிக்கையும் எடுக்கவில்லை என அப்பகுதி மக்கள் குற்றம் சாட்டுகின்றனர்.

இங்கு அமைக்கப்பட்டுள்ள ஆர்ஓ வாட்டர் பிளாண்ட்களில் ஏற்பட்டுள்ள பழுதுகளை சரி செய்ய ஊராட்சி நிர்வாகம் காலம் தாழ்த்தி வருகிறது. மேலும் போக்குவரத்துதுறை அமைச்சர் ராஜகண்ணப்பன் அவர்களின் தொகுதியான முதுகுளத்தூர் சட்டமன்றத் தொகுதியில் குடிநீர் பற்றாக்குறை அதிக அளவில் ஏற்பட்டுள்ளது. இந்த கிராமத்திற்கு காவிரி கூட்டு குடிநீர் இதுவரை முழுமையாக கிடைக்கவில்லை என்பது அப்பகுதி மக்களின் குற்றச்சாட்டாக உள்ளது.