108 ஆம்புலன்ஸில் பிறந்த அழகிய பெண் குழந்தை: ஊழியர்களுக்கு பாராட்டு

பெரம்பலூர் அடுத்த செங்குணம் பகுதியைச் சேர்ந்தவர் மகேந்திரன். இவரது மனைவி விஜயலட்சுமி (25). இவர் 9 மாத கர்ப்பிணியாக இருந்ததைத் தொடர்ந்து, இவருக்கு வீட்டிலேயே பிரசவ வலி வந்தது. இதனையடுத்து அப்பகுதி மக்கள் அம்புலன்ஸிற்கு தகவல் கொடுத்தனர் .108 ஆம்புலன்ஸில் செங்குணம் பகுதியில் இருந்து பெரம்பலூர் அரசு தலைமை மருத்துவமனைக்கு விஜயலட்சுமியை அழைத்துச் சென்றனர். அப்போது மருத்துவமனைக்கு செல்லும் வழியிலேயே விஜயலட்சுமிக்கு வலி அதிகமானது. உடனே, 108 ஆம்புலன்ஸின் மருத்துவ உதவியாளர் சுகன்யா மற்றும் ஊழியர்கள் அவருக்கு பிரசவம் பார்த்தனர். இதைத் தொடர்ந்து ஆம்புலன்ஸிலேயே விஜயலட்சுமிக்கு அழகிய பெண் குழந்தை பிறந்தது.

பின்னர் தாயும், குழந்தையும் பெரம்பலூர் அரசு தலைமை மருத்துவமனையின் பிரசவ வார்ட்டில் அனுமதிக்கப்பட்டனர். தற்போது இருவரும் நலமாக உள்ளதாக மருத்துவர்கள் தெரிவித்தனர். மேலும் இரவு நேரத்தில் சிறப்பாக செயல்பட்டு, 108 ஆம்புலன்ஸில் பிரசவம் பார்த்த டெக்னீசியன் சுகன்யா , ஓட்டுநர் மதுபாலன் இருவரையும் அதிகாரிகள்,பொதுமக்கள் பாராட்டினர்.