தற்காலிகமாக நிறுத்தப்பட்டிருந்த பல்லவன், சேது விரைவு ரயில்கள் இன்று முதல் இயக்கம்

பொதுமுடக்கம் காரணமாக தற்காலிகமாக நிறுத்தப்பட்டிருந்த பல்லவன், சேது விரைவு ரயில்கள் செவ்வாய்க்கிழமை (ஜூன் 1) முதல் மீண்டும் இயக்கப்படவுள்ளன. திருச்சி - ராமேசுவரம் பயணிகள் ரயிலும் மீண்டும் இயக்கப்படுகிறது.

சென்னை - காரைக்குடி, பல்லவன் அதிவிரைவு ரயில் (எண்: 02605/02606) ஜூன் 1 ஆம் தேதி (செவ்வாய்க்கிழமை) மாலை 3. 45 மணிக்கு சென்னை எழும்பூரிலிருந்து புறப்பட்டு இரவு காரைக்குடி ரயில் நிலையம் வந்து சேரும். ராமேசுவரம் - சென்னை, சேது விரைவு ரயில் ( எண்: 02206 / 0 2205) ஜூன் 1 முதல் ராமேசுவரத்திலிருந்து புறப்பட்டு சென்னை செல்லும்.

மேலும் திருச்சி - ராமேசுவரம் சிறப்பு பயணிகள் ரயில் ஜூன் 1- ஆம் தேதி முதல் காலை 7 மணிக்கு திருச்சியிலிருந்து புறப்பட்டு ராமேசுவரம் செல்லும். மறு மாா்க்கத்திலும் வழக்கம் போன் ஜூன் 2 முதல் இயக்கப்படுகிறது. இந்த ரயில்களுக்கு முன்பதிவு பயணச்சீட்டுகளை காரைக்குடியில் பெற்றுக்கொள்ளலாம் என ரயில்வே வட்டாரங்கள் தெரிவித்தன.