நாகை: 45 நிமிடத்தில் 1330 திருக்குறள் எட்டாம் வகுப்பு சிறுமி அசத்தல்

நாகை அருகே கொரனா விடுமுறையை பயனுள்ளதாக்கும் வகையில் ஒரு நிமிடத்திற்கு பத்து குறள் வீதம் 45 நிமிடத்தில் 1330 குறளையும் மனப்பாடமாக ஒப்பிக்கும் எட்டாம் வகுப்பு சிறுமி.

நாகப்பட்டிணம் மாவட்டம் வேளாங்கண்ணி பண்டகசாலை பகுதியைச் சேர்ந்த ராஜேந்திரன்- ஜெயசுதா தம்பதியரின் மகள் கிர்ணிகாஸ்ரீ. வேளாங்கண்ணியில் உள்ள புனித ஆரோக்கிய மாதா மேல்நிலைப்பள்ளியில் 8 வகுப்பு படிக்கும் இச்சிறுமி திருக்குறள் கற்பதில் மிகுந்த ஆர்வத்தோடு பெற்றோரின் ஊக்கத்தால் சிறுவயது முதலே திருக்குறள் படிக்க தொடங்கி 133 அதிகாரத்தில் உள்ள 1330 குறளையும் படித்து மனப்பாடம் செய்துள்ளார். சரளமாக எவ்வித தொய்வும் இன்றி ஒரு நிமிடத்திற்கு பத்து திருக்குறளையும் 45 நிமிடத்தில் 1330 குறளையும் ஒப்பிக்கும் இச்சிறுமி திருக்குறள் தொடர்பான பல்வேறு போட்டிகளில் பங்கேற்று பரிசுகளை பெற்றுள்ளார்.

மேலும் திருக்குறளை மட்டும் மனப்பாடம் செய்யாமல் அதிலுள்ள பொருள்களை விளக்கியும், அதிகார எண் அல்லது குறள் எண் ஆகியனவற்றில் எதை கூறினாலும், அதற்கான குறளையும் பொருளையும் அடுத்த கணமே கூறுமளவிற்கு தன்னை தயார் செய்து வரும் இச்சிறுமி கொரோனா காலத்தில் கூட வீட்டில் இருந்தபடியே திருக்குறளை மீண்டும் படித்துப் படித்து நினைவு கூர்ந்து வருகிறார். அதுதவிர வருங்காலத்தில் திருக்குறள் தொடர்பான ஆய்வுகள் மேற்கொள்வது, பாமர மக்களிடம் திருக்குறளின் கருத்துக்களை கொண்டு சேர்ப்பதே தன்னுடைய நோக்கம் என்றும் அவர் ‌ தெரிவித்துள்ளார்.