கற்று கொடுத்த ஆசிரியர்களை பெருமைப்படுத்திய மாணவர்கள்

நாகப்பட்டினம் அருகே 20 வருடங்கள் கழித்து தங்களது ஆசிரியர்களை பெருமைப்படுத்தி நினைவுப் பரிசை முன்னாள் மாணவர்கள் வழங்கினர்.

நாகப்பட்டினம் மாவட்டம் திட்டச்சேரி அரசு மேல்நிலைப் பள்ளியில் முன்னாள் மாணவர்கள் சங்கமிக்கும் நிகழ்ச்சி நடைபெற்றது. கடந்த 2000-2003ஆம் ஆண்டில் பயின்ற மாணவர்கள் தற்போது அரசுப்பணிகளிலும், உயர்நீதிமன்ற வழக்கறிஞர்களாகவும் ,காவல் துறையிலும், இன்ஜினியர்களாகவும்,தனியார் நிறுவனங்களில் உயர்ந்த பணிகளில் இருப்பதாகவும் அரசுப் பள்ளிகளில் தலைமை ஆசிரியர்கள் மற்றும் ஆசிரியர்களாக பணியாற்றி வருகின்றனர். அவர்கள் அனைவரும் ஒன்று சேர்ந்து தங்களது ஆசிரியர்களுக்கு மரியாதை மற்றும் பெருமைப்படுத்தும் விதமாக நினைவு பரிசுகளை வழங்க முடிவு எடுத்தனர்.

தொடர்ந்து தங்களுக்கு கற்று கொடுத்த ஆசிரியர்களை கௌரவிக்கும் விதமாக பொன்னாடை போர்த்தி நினைவுப் பரிசுகளை வழங்கினர். அதேபோல் ஆசிரியர்களும் தங்களிடம் பயின்ற மாணவர்களுக்கு நினைவு பரிசுகளை வழங்கினர். அதனைத் தொடர்ந்து தங்களது அனுபவங்களை ஒருவர் பின் ஒருவராக பகிர்ந்து கொண்டனர். அனைவரும் ஒன்று சேர்ந்து குழு புகைப்படம் எடுத்து கொண்டனர்.