மணல் கடத்தி வந்த டிராக்டர் பறிமுதல், ஓட்டுநர் கைது!

கொள்ளிடம் அருகே மணல் கடத்தி வந்த டிராக்டர் பறிமுதல் செய்யப்பட்டு அதன் ஓட்டுநர் கைது செய்யப்பட்டார்.

மயிலாடுதுறை மாவட்டம் கொள்ளிடம் அருகே பனங்காட்டான்குடி கொள்ளிடம் ஆற்றிலிருந்து மணல் கடத்துவதாக காவல்துறையினருக்கு ரகசிய தகவல் கிடைத்தது. அதனடிப்படையில் கொள்ளிடம் இன்ஸ்பெக்டர் முருகேசன் சப்இன்ஸ்பெக்டர் மணிகண்டன் மற்றும் காவலர்கள் ரோந்து பணியில் ஈடுபட்டிருந்தனர்.அப்போது சோதனையில் மணல் ஏற்றி வந்த ஒரு டிராக்டரை சோதனையிடும் போது மணலை ஆற்றில் இருந்து கடத்தி வந்தது தெரியவந்தது. இதனை அடுத்து கொண்டல் கிராமத்தை சேர்ந்த முருகபாண்டியன் என்பவரை கைது செய்தனர். மேலும் மணல் ஏற்றி வந்த டிராக்டர் பறிமுதல் செய்யப்பட்டது. இது குறித்து ஆணைக்காரன்சந்திரம் காவல்நிலையத்தில் விசாரணை மேற்கொண்டு வருகின்றனர்.