என் ரஜினி நலமாக இருக்க வேண்டும்,கமல்ஹாசன்
ரஜினியின் அரசியல் முடிவு ஏமாற்றத்தை அளித்தாலும் அவரது ஆரோக்கியம் எனக்கு முக்கியம் என மக்கள் நீதி மய்யம் கமல்ஹாசன் தெரிவித்தார்.
மக்கள் நீதி மய்யம் கட்சியின் தலைவர் கமலஹாசன் மயிலாடுதுறை சின்னக்கடை வீதியில் திறந்த வாகனத்தில் பொதுமக்களிடம் தேர்தல் பிரச்சாரத்தில் ஈடுபட்டார். தொடர்ந்து தனியார் திருமண மண்டபம் ஒன்றில் ஏற்பாடு செய்யப்பட்டிருந்த கலந்துரையாடல் நிகழ்ச்சியில் பங்கேற்று பேசியதாவது:மயிலாடுதுறையில் குவிந்து கிடக்கும் குப்பைகள், தேங்கி நிற்கும் பாதாள சாக்கடை கழிவுநீர் ஆகிய அவலங்கள் மக்கள் நீதி மைய ஆட்சியில் களையப்படும்.வழியெங்கும் மக்கள் அளித்த வரவேற்பு தமிழகத்திற்கு மாற்றம் நெருங்கிவிட்டது என்பதை உணர்த்துகிறது,
சாகாமலேயே நரகத்தை பார்க்க வேண்டுமென்றால் தமிழகத்தின் அரசு மருத்துவமனைகளுக்கு சென்றாலே போதுமானது.பள்ளிக்கூடங்களை அவசர அவசரமாக மூடிவிட்டு, சாராயக் கடையை திறக்கிறது தமிழக அரசு என்றார். மேலும் அரசியல் குறித்து ரஜினி எடுத்த முடிவில் சற்றே ஏமாற்றம் இருந்தாலும் அவரது ஆரோக்கியம் எனக்கு முக்கியம்.என் ரஜினி நலமாக இருக்க வேண்டும். எங்கிருந்தாலும் நலமாக வாழ வேண்டும் என்றார். நிகழ்ச்சியில் மாவட்ட செயலாளர் ரவிச்சந்திரன் உள்ளிட்ட கட்சி நிர்வாகிகள் திரளானவர்கள் கலந்து கொண்டனர்.
