வேளாங்கண்ணியில் தவக்கால சிலுவைப்பாதை ஊர்வலம்

நாகப்பட்டிணம் மாவட்டம் வேளாங்கண்ணியில் அமைந்துள்ள உலக புகழ் பெற்ற புனித ஆரோக்கிய அன்னை பேராலயம் அமைந்துள்ளது. இந்த ஆலயத்தில் கடந்த 2ம் தேதி சாம்பல் புதன் நிகழ்ச்சியுடன் தவக்காலம் துவங்கியது. தவகாலத்தை முன்னிட்டு வெள்ளிக்கிழமைகள் தோறும் சிலுவைப்பாதை நிகழ்ச்சி நடைபெறும். அதன்படி இன்று 1வது வார சிலுவை பாதை ஊர்வல நிகழ்ச்சி நடந்தது. பேராலயத்தின் மேல் ஆலயத்திலிருந்து பழைய மாதா ஆலயம் வரை பேராலய அதிபர் இருதயராஜ் தலைமையில் ஊர்வலம் சென்றது. இதில் சிலுவையை கையில் ஏந்தி ஜெபித்துக்கொண்டு சென்றனர். இந்த ஊர்வலத்தில் மாநிலத்தின் பல்வேறு பகுதிகளில் இருந்தும் வந்த பக்தர்கள், உதவி பங்கு தந்தையர்கள், அருட்சகோதரிகள் உட்பட பலர் கலந்து கொண்டனர்.