காலமான பத்திரிக்கையாளர் குடும்பத்தினருக்கு நிதியுதவி: செய்தித்துறை அமைச்சர் வழங்கினார்

பத்திரிகைத் துறையில் புகைப்படக் கலைஞராக பணியாற்றிய டி.குமார் அகால மரணமடைந்தார். தமிழ்நாடு முதலமைச்சர் மு.க.ஸ்டாலின் அறிவித்த படி, செய்தித் துறை அமைச்சர் மு.பெ.சாமிநாதன் சென்னை ,தலைமைச் செயலகத்தில் இன்று (12.04.2022) பத்திரிகையாளர் நல நிதியத்திலிருந்து சிறப்பு நிகழ்வாக ரூபாய் 3 இலட்சத்திற்கான காசோலையை அவரது குடும்பத்தினரிடம் வழங்கினார்.

மேலும், தமிழரசு அலுவலகத்தில் தொகுப்பூதிய அடிப்படையில் கணினி இயக்குபவராக பணியாற்றிய கோ.முரளிகிருஷ்ணன் மின்சாரம் பாய்ந்து உயிரிழந்ததையொட்டி, முதலமைச்சரின் பொது நிவாரண நிதியிலிருந்து ரூபாய் 5 இலட்சத்திற்கான காசோலையை அவரது குடும்பத்தினரிடம் வழங்கினார். இந்நிகழ்வின்போது, செய்தி மக்கள் தொடர்புத் துறை இயக்குநர் வீ.ப.ஜெயசீலன், கூடுதல் இயக்குநர்கள் தி.அம்பலவாணன், ச.பாண்டியன் மற்றும் அரசு அலுவலர்கள் உடன் இருந்தனர்.