மயிலாடுதுறையில் சிவாஜி 94-வது பிறந்த தினவிழா கொண்டாட்டம்

மறைந்த நடிகர் திலகம் சிவாஜி கணேசனின் 94 ஆவது பிறந்த தினவிழா மயிலாடுதுறையில் கொண்டாடப்பட்டது. கிட்டப்பா அங்காடி முன்புகாங்கிரஸ் கட்சியினரால் அலங்கரித்து வைக்கப்பட்டிருந்த சிவாஜிகணேசனின் உருவப் படத்திற்கு காங்கிரஸ் கட்சியினர் மற்றும் சிவாஜி ரசிகர்கள் மாலை அணிவித்து மலர் தூவி பொதுமக்களுக்கு இனிப்பு வழங்கி பிறந்தநாளை கொண்டாடினர்.

முன்னதாக நாட்டுப்புறக் கலைஞர் கிங் ஃபைசல் சிவாஜியின் வேடமணிந்து நகரின் முக்கிய வீதிவழியாக மேள வாத்தியங்கள் முழங்க கிட்டப்பா அங்காடிக்கு வந்து அங்கு அலங்கரித்து வைத்திருந்த சிவாஜிகணேசனின் உருவப்படத்திற்கு மரியாதை செய்தார்.