மயிலாடுதுறையில் நீத்தார் நினைவு நாள்: 36 குண்டுகள் முழங்க வீர அஞ்சலி

காவல்துறையில் பணியில் இருந்த போது வீரமரணமடைந்த காவலர்கள் மற்றும் அதிகாரிகளுக்கு நீத்தார் நினைவு நாள் இன்று நாடு முழுவதும் அனுசரிக்கப்படுகிறது.

அந்த வகையில் மயிலாடுதுறை மாவட்டத்தில் நீத்தார் நினைவு நாள் இன்று அனுசரிக்கப்பட்டது. டி.எஸ்.பி. அலுவலக மைதானத்தில் மயிலாடுதுறை மாவட்டத்தில் பணியில் இருந்த போது உயிர்நீத்த அதிகாரிகள் மற்றும் காவலர்களுக்கு 36குண்டுகள் முழங்க வீர அஞ்சலி செலுத்தப்பட்டது.

மாவட்ட காவல் கண்காணிப்பாளர் சுகுணாசிங் ஐ.பி.எஸ். மலர் வளையம் வைத்து அஞ்சலி செலுத்தினார். தொடர்ந்து காவல்துறை அதிகாரிகள் மலர் தூவி அஞ்சலி செலுத்தினர். இந்நிகழ்ச்சியில் மயிலாடுதுறை மாவட்டத்தில் உள்ள காவல் அதிகாரிகள் மற்றும் காவலர்கள் கலந்து கொண்டனர்.