பனிமூட்டத்தால் முகப்பு விளக்கு எரிய விட்டு சென்ற வாகன ஓட்டிகள்

மயிலாடுதுறை, மங்கநல்லூர், குத்தாலம், மணல்மேடு, செம்பனார்கோவில் போன்ற பகுதிகளில் விடிய விடிய பனி சாரல் மழைபோல் கொட்டி வந்தது. அதிகாலை நேரங்களில், மூடுபனி நிலவியது.

இன்று காலை 8 மணியை தாண்டியும் மூடுபனி இருந்ததால், சாலையில் செல்லும் வாகனஓட்டிகள் முகப்பு விளக்கை எரியவிட்டபடியே சென்றனர். கடந்த ஓரு வாரத்திற்கு மேலாக பனி பெய்து வருகிறது. இந்த பனி தற்போது சாகுபடி செய்யப்பட்டுள்ள உளுந்து, பயறுக்கு உகந்ததாக இருக்கும் என விவசாயிகள் தெரிவித்துள்ளனர்.