மயிலாடுதுறை ஒன்றியக்குழு தி.மு.க. வேட்பாளர் அறிமுக கூட்டம்

மயிலாடுதுறை மாவட்டம் பூம்புகார் சட்டமன்ற தொகுதிக்கு உட்பட்ட செம்பனார்கோயில் ஒன்றியம் காட்டுச்சேரி, சந்திராபாடி, திருக்களாச்சேரி உள்ளிட்ட ஊராட்சிகளின் வார்டு எண் 30 ஒன்றியக்குழு தி.மு.க.வேட்பாளராக செ.செல்வம் போட்டியிடுகிறார்.

செல்வத்தை அறிமுகம் செய்வதற்கான செயல்வீரர்கள் கூட்டம் ஒன்றிய தி.மு.க.அவைத் தலைவர் மனோகரன் தலைமையில் நடைபெற்றது. நிகழ்ச்சியில் பூம்புகார் சட்டமன்ற உறுப்பினரும் நாகை வடக்கு மாவட்ட தி.மு.க. பொறுப்பாளருமான நிவேதா எம். முருகன் கலந்து கொண்டு சிறப்புரையாற்றினார் .

நிகழ்ச்சியில், மயிலாடுதுறை பாராளுமன்ற உறுப்பினர் ராமலிங்கம், மாவட்ட துணை செயலாளர் ஞானவேலன், மாநில விவசாய அணி இணை செயலாளர் பால.அருள்செல்வன், ஒன்றிய செயலாளர் அப்துல்மாலிக் அன்பழகன், மாவட்ட பொருளாளர் ஜி.என்.ரவி, மற்றும் கூட்டணி கட்சியின் நிர்வாகிகள், உள்ளாட்சி பிரதிநிதிகள், வார்டு மற்றும் கிளை கழக நிர்வாகிகள், சார்பு அணி நிர்வாகிகள் பலர் கலந்து கொண்டனர்.